როცა კლინიკა იკეტება

კლუბი „ექსპერტები მენტალური ჯანმრთელობისთვის" აერთიანებს მაღალი კვალიფიკაციის მქონე სპეციალისტებს მედიცინის სხვადასხვა დარგებიდან. ჩვენი მიზანია სხვადასხვა სფეროს ცოდნა გავაერთიანოთ და ერთად გამოვიყენოთ მენტალური ჯანმრთელობის საკითხების უკეთ გასაგებად და ეფექტურად სამართავად.

კლუბი შეიქმნა გუგა სიხარულიძის მენტალური ჯანმრთელობის კვლევითი ცენტრის ბაზაზე და წარმოადგენს ინტელექტუალურ სივრცეს, სადაც პროფესიონალებს შეუძლიათ განიხილონ მენტალური ჯანმრთელობის აქტუალური საკითხები, გაიზიარონ თეორიული და პრაქტიკული გამოცდილება და ერთად განვითარდნენ.

კლუბის ფარგლებში შეიქმნა პოდკასტი "როცა კლინიკა იკეტება", რომელშიც სხვადასხვა სპეციალობის ექიმები წამყვანთან ერთად იზიარებენ ექსპერტულ მიმოხილვებს, ღრმა ანალიზებს, წარმატებული თანამშრომლობისა და მკურნალობის გამოცდილებას.

პოდკასტი ორიენტირებულია როგორც პროფესიონალებზე (ექიმები, ფსიქოლოგები, მკვლევრები), ისე ფართო საზოგადოებაზე, რათა ხელი შეუწყოს მენტალური ჯანმრთელობის პრობლემების კომპლექსური და ეფექტიანი მართვის მეთოდების გავრცელებას.