Eppelduerfer

Eppelduerfer a.s.b.l. ass säit 1964 aktiv a gouf am Dezember 2023 vun „Eppelduerfer Jugend“ op den heitege Numm embenannt. Haut ass de Veräin eng oppe Gemeinschaft vu jonke Leit aus ganz Lëtzebuerg. Regelméisseg Treffen, Aktivitéiten an d’Organisatioun vun traditionellen Events wéi dem Spaghettisfest schweessen d’Memberen zu enger verréckter Kludder zesummen, déi een einfach kenneléiere muss. Et ass d’Ziel vum Veräin, dëser Gemeinschaft een Doheem ze bidden, se z’erhalen a neie Memberen den Zougang z’erméiglechen.