Doya Dance تعليم الرقص

مرحبا 
قناة doya 
 هي قناة مختصة بتعليم كلالرقص الشرقي والرقص الاجنبي لكل الناس بأي مكان وباي وقت بيناسبون 
فكرة القناة هي معتمدة على تسهيل ممارسة الهواية الي بتحبيها وهي الرقص  حتى لو ما كان متوفر بمدينتك مدارس رقص او ما كان عندك وقت او قدرة مالية لانو تتعلمي من مدارس  الرقص وانا واجهتني كل هي الانواع من الصعوبات خاصة انو ببلادنا كتير قليلة مدارس الرقص والمدرسة الوحيدة الي بتكون بالمدينة بتستغل انه ما الها منافسين لزيادة الاسعار للدورات 
ومن فكرة تانية وهي اني ما كنت محبة لدروس الرقص الجماعية لان يكون في تفاوت بمستوى الراقصين ويكون احيانا اعادة الرقصة مملة لدرجة انو تكرهي سماع الموسيقا من كتر  التكرار أما على اليوتيوب فتعلم الرقص ممتع اكتر وممكن تختاري حركات معينة تكرريها مانك مضطرة تعيدي الرقصة كاملة متل المدرب ما بدو او ممكن تنسقي الرقصة على  موسيقا تانية انت بتحبيها اذا ما عجبك اختياري للرقصة 
السبب الاهم للقناة هو فوائد الرقص بحد ذاته غير انه ممتع هو فرصة لشد الجسم وزيادة لياقته وهو عامل مساعد على تقليل التوتر وتحسين المزاج خاصة انه الرقص متلازم بسماع الموسيقا الي بتحبيها