DMUISP

دار العلوم محی الاسلام صدیقیہ ایک عظیم علمی، روحانی اور اصلاحی مرکز ہے جو علوم اسلامیہ اور عصری تعلیم کے فروغ میں بھر پور طریقے سے سر گرم عمل ہے۔ اس وقت ادارہ کے زیر انتظام ملک بھر میں 30 سے زائد شاخیں کام کر رہی ہیں، جہاں طلبہ و طالبات کو دینی و عصری علوم سے آراستہ کیا جا رہا ہے۔
سال ۱۹۹۷ء میں قائم ہونے والا یہ ادارہ اب تک سینکڑوں طلبہ کو درس نظامی کی تکمیل اور قرآن کریم کے حفظ کی سعادت عطا کر چکا ہے۔ علاوہ ازیں، ادارہ میں دارالعلوم محمدیہ غوثیہ بھیرہ شریف کے مرتب کردہ نصاب کے مطابق تعلیم دی جاتی ہے۔ یہ ادارہ دینی تعلیم کے ساتھ ساتھ عصری تعلیم میں بھی نمایاں مقام رکھتا ہے۔
دار العلوم محی الاسلام صدیقیہ کا نصب العین صرف تعلیم دینا ہی نہیں بلکہ کردار سازی، اخلاقی تربیت، اور اسلامی اقدار کی ترویج بھی ہے۔ 
یہاں طلبہ کی علمی استعداد کے ساتھ ساتھ ان کی روحانی، فکری اور اخلاقی تعمیر پر خاص توجہ دی جاتی ہے تا کہ وہ معاشرے میں ایک مثبت، باکردار اور مفید شہری کے طور پر اپنا کردار ادا کر سکیں۔