Dayanand Science College Latur

आज महाविद्यालयास शैक्षणिक उंची प्राप्त झाली आहे . त्यामागे संस्थेचे अध्यक्ष , उपाध्यक्ष , सचिव , संयुक्त सचिव , विश्वस्त मंडळ , कार्यकारी संचालक , तज्ञ व अनुभवी शिक्षक वर्ग , मेहनती व सेवाभावी शिक्षकेत्तर कर्मचारी , त्याचबरोबर हुशार व होतकरु विद्यार्थी , जाणकार पालक व हितचिंतक यांचे योगदान मोलाचे आहे . अखंड ज्ञानसाधना , कठोर शिस्त , प्रभावी अध्यापन , उत्कृष्ट निकाल याव्दारे महाविद्यालयाने आपला वेगळा ठसा निर्माण केलेला आहे . विद्यार्थी हाच केंद्रबिंदू मानून योग्य शैक्षणिक नियोजन करण्याबरोबरच त्याची काटेकोरपणे अंमलबजावणी करणारे महाविद्यालय अशी या महाविद्यालयाची ओळख आहे . इ.स. १ ९८७-८८,१९८८-८९ व १ ९ ८ ९ ९ ० या सलग तिन्ही वर्षी महाविद्यालयाचे विद्यार्थी महाराष्ट्र राज्यात उच्च माध्यमिक प्रमाणपत्र परीक्षेत ( १२ वी ) सर्वप्रथम येऊन हॅट्रीक साधणारे हे महाराष्ट्रातील पहिलेच महाविद्यालय आहे . केवळ मराठवाडयातच नव्हे तर संपूर्ण महाराष्ट्रात या महाविद्यालयाने आपली आगळी वेगळी प्रतिमा निर्माण केलेली आहे .