Bedri Syla-Official

Përpiqem ta kuptoj dhe ta prezantoj Islamin si fe e Zotit – me urtësi, largpamësi dhe këshilla të mira.
Besoj se feja nuk është opium, por dritë që ndriçon mendjen dhe shpirtin, që i jep njeriut dinjitet, vetëdije dhe drejtim në jetë.

Mundohem ta interpretoj Islamin duke respektuar kohën dhe vendin, me vetëdijen se mesazhi i Zotit është universal dhe i përjetshëm, por kërkon qasje të mençur dhe të mëshirshme për çdo brez dhe shoqëri.

Jam kundër gjuhës së urrejtjes, ashpërsisë dhe ndarjes. I flas mendjes, shpirtit dhe zemrës, dhe përpiqem të jem afër çdo njeriu, pa dallime në ngjyrë, gjuhë apo status.
Feja është mëshirë, e jo barrë. Udhëzim, e jo ndëshkim.

Motoja ime janë fjalët e Zotit në dy ajete të bekuara:

“Thirr në rrugën e Zotit tënd me urtësi, këshillë të mirë dhe diskuto me ta në mënyrën më të mirë.”
(Kur’an, En-Nahl: 125)

“Thuaj: Kjo është rruga ime: unë thërras për te Allahu me largpamësi – unë dhe kush më ndjek…”
(Kur’an, Jusuf: 108)