Pachaimalai Athireeswarar Aalayam

சென்னை தாம்பரம் சானட்டோரியம் பச்சை மலையில்  ஸ்ரீ அனுசுயா தேவி சமேத அத்திரீஸ்வரர்  திருக்கோயில் அமைந்துள்ளது.

ரிஷிகளில் ஒருவரான அத்திரி மகரிஷி, தென்கைலாயம் என்று சொல்லக்கூடிய பொதிகை மலையில் அகத்தியர் தரிசனம் பெற்று, தென்னாட்டின் மூலிகை நிறைந்த இம்மலையின் (பச்சை மலை) அழகை ரசித்து — தியானம் செய்ய சரியான இடம் இதுதான் என்று உணர்ந்து பல ஆண்டுகள் தவம் இருந்தார்.

தவத்தின் பலனாக சிவபெருமானின் காட்சியைக் கண்டு மெய்சிலிர்த்த மகரிஷிக்கு மோட்சத்தை அருளிய ஈசன், “கலியுகத்தில் மனிதர்களால் தர்ம சிந்தனை உண்மைக்குப் புறம்பாகவும், கலகங்கள் தலைவிரித்து ஆடும் நாளில் இந்தப் பச்சை மலையில் ஸ்ரீ அத்திரீஸ்வரராக எழுந்தருள்வேன்” என்று அருளினார்.