ആനാട് ശ്രീ ചാമുണ്ഡേശ്വരി ദേവീ ക്ഷേത്രം ട്രസ്റ്റ്

പുരാതനകാലത്ത് കാരണവന്മാർ ഒരു വൃക്ഷചുവട്ടിൽ കുടുംബ ദൈവങ്ങളായ യോഗീശ്വരൻ മന്ത്രാമൂർത്തി എന്നിവർക്ക് വേണ്ടി ആരാധന നടത്തി വന്നിരുന്ന പുണ്യ സ്ഥാനത്ത്ഒരു യക്ഷിയുടെ സാമീപ്യം രോഗപീഡ കൾക്കും ദുരിതങ്ങൾക്കും വഴിയൊരുക്കിയതിന്റെ അടിസ്ഥനത്തിൽ പരിഹരമായിട്ടാണ് ശക്തി സ്വരൂപിണിയായ ശ്രീ ചാമുണ്ഡേശ്വരി ദേവിയെ കുടിയിരുത്തി ആനാട് ശ്രീ ചാമുണ്ഡേശ്വരി ദേവീ ക്ഷേത്രത്തിന് തുടക്കം കുറിച്ചത്. 

ശ്രീ ചാമുണ്ഡേശ്വരി ദേവിയെ കുടിയിരുത്തി ദശാബ്ദങ്ങൾക്ക് ശേഷം നടന്ന അഷ്ടമംഗലദേവ പ്രശ്‌ന വിധിയെ തുടർന്ന് ക്ഷേത്രം ഒരു പൊതുജന ട്രസ്റ്റ് ആയി രജിസ്റ്റർ ചെയ്ത് പുനരുദ്ധാരണം നടത്തുന്നത്. തച്ചു -ശാസ്ത്ര താന്ത്രിക വിധി പ്രകാരം പൂർണ്ണമായും കൃഷ്ണശിലകളിൽ
ഷഢാധാരപ്രതിഷ്ടയോടും ഗർഭ ഗൃഹത്തോടുംകൂടി
 പുനരുദ്ധരിച്ച മഹാക്ഷേത്രം നിർമ്മാണ ശൈലിയുടെ മഹിമ വിളിച്ചോതുന്നു. തെക്കൻ കേരളത്തിൽ അത്യപൂർവ്വമാണ് കൃഷ്ണശിലകളിൽ പുനരുദ്ധരിച്ച ഈ മഹാക്ഷേത്രം.

ആനാട്ടമ്മഎന്ന വിളിപ്പേരിൽ അറിയപ്പെടുന്ന ശ്രീ ചാമുണ്ഡേശ്വരി ദേവീ സന്നിധിയിൽ 
ദമ്പതികൾ നടത്തുന്ന  തൊട്ടിൽവയ്പ്പ് വഴിപാടിലൂടെ  സന്താനലബ്ധി പ്രാപ്തമായ ഭക്തജനങ്ങൾ അനവധിയാണ്