AKR MINISTRIES

தமிழ் கிறிஸ்தவ செய்திகள் வெளியிடும் தளம். 
அடிப்படையில் நாங்கள் நம்புவது, 
வேதம் மட்டுமே ஒரு கிறிஸ்தவனின் நம்பிக்கையை விளக்குகிறது. அதன் மூலம் மட்டுமே ஒருவன் கிறிஸ்துவை கண்டுகொள்ள முடியும். நாம் பெற்ற இரட்சிப்பு 100% தேவனுடைய கிருபையினால், விசுவாசம் என்ற உபகரணத்தைக்கொண்டு, கிறிஸ்து இயேசுவினால் இலவசமாக கொடுக்கப்பட்டது. எனவே மனிதன் பெருமை பாராட்ட இதில் ஒன்றுமில்லை. இரட்சிப்பு கர்த்தருடையது.

மனிதன் அடிப்படையில் பாவத்தினால் கறைபட்டவனாக, தேவனைத் தேடாதவனாக, தேவனுக்கு எதிரியாக இருந்து வருகிறான். தேவன் தமது தயவுள்ள சித்தத்தின்படி சிலரை ஆதி முதல் கிறிஸ்துவுக்குள் இரட்சிப்பை பெறும்படி முன்குறித்திருக்கிறார். தேவனுடைய குமாரன் கர்த்தராகிய இயேசு கிறிஸ்து அன்று கல்வாரியில் அவர்களுக்காக சிந்தின இரத்தத்தின் மூலம் திருப்தியடைந்து அவர்களை இரட்சிக்கிறார். இது முழுவதும் தேவனுடைய மாறாத கிருபையே. இப்படி தேவனால் பிறந்தவர்கள் தேவனுடைய தெய்வீக பாதுகாப்பில் இருப்பதால், மகிமை வரை கடவுளின் வழிநடத்துதலில் இருக்கிறார்கள்.
கர்த்தருடைய பரிசுத்த நாமம் மகிமைப்படுவதாக!