Azərbaycan Kapital Bazarları Assosiasiyası

“Azərbaycan Kapital Bazarları Assosiasiyası” İctimai Birliyi 2007-ci ildə yaradılmışdır. Assosiasiyanın əsas məqsədi qiymətli kağızlar bazarının iştirakçılarının səmərəli peşəkar fəaliyyətini təmin edilməsidir. Bu məqsədlə Assosiasiya zəruri maarifləndirmə tədbirlərinin görülməsi, qiymətli kağızlar bazarının inkişafı üzrə təkliflərin müzakirəsi və həyata keçirilməsi istiqamətlərində Azərbaycan Respublikası Mərkəzi Bankının rəhbərliyi ilə sıx əməkdaşlıq etməkdədir. Assosiasiyanın üzvlüyünə Bakı Fond Birjası, Milli Depozit Mərkəzi və mövcud qanunvericiliyə uyğun olaraq fəaliyyət göstərən 12 İnvestisiya şirkəti daxildir.