زيارة العاشك ثواب

تعال أسأل عليه وشوفني بيا حال
متغير صرت والحزن صاحبته 
مو ذاك التعرفه الجان مرتاح
لأن حته الفرح بالحزن بدلته 
اوضحلك فقط مو لجل انت تعود 
وأتصور كلامي الناس فاهمته 
ميهمني كلامي يسمعه كل الناس 
بس عندي المهم وياك وصلته
خليك بمكانك عايش بتفكير 
وكللهم عليمن اني ودعته 
لا تسمع حجيهم والله ميفيدوك 
لأن بس الهجر وياك حصلته 
وآخر مااكلك متت من الشوك 
وانت ولا يهزك كل ألي كلته....