ከቃሉ ቲዩብ - kekalu Tube 

Devotional Teaching 

መፅሐፍ ቅዱስ እስትንፋሰ  እግዚአብሔር ያለበት የእግዚአብሔር ቃል ስለሆነ ወደ ቃሉ ቀርቦ ህይወቱ ተለውጦ እንደሌላ ሰዉ ያልሆነ አለ ማለት ይከብዳል ። ነገር ግን በዚህ ዘመን ያለው የእግዚአብሔር ህዝብ ይህን ለዋጭ ቃል ችላ ብሎታል ። ይህንንም ለማረጋገጥ የአብዛኛውን ህዝበ ክርስቲያን ህይወት ስንመለከት አፍ አውጥቶ ይመሰክራል ። ጥንትም ቢሆን እግዚአብሔር ህዝቡ የነበሩትን እስራኤላውያንን ቃሉን ችላ በማለታቸው በዚያው ቃሉ በኩል እንዲህ እያለ ይወቅሳቸው ነበር ። " የህጌን  ብዛት ፅፊለታለሁ እነርሱ ግን እንደ እንግዳ ነገር ቆጥረውታል ። መስዋዕቴን ያቀርባሉ ስጋንም ያርዳሉ ይበላሉም እግዚአብሔር ግን አይቀበላቸውም በደላቸውንም ያስባል ኃጢያታቸውንም ይቀጣል  እነርሱም ወደ ግብፅ ይመለሳሉ :: "(ሆሴ 8፥ 11-12 ) 

ዛሬም ቢሆን በእኛ ህይወት ተመሳሳይ ነገር እንዳይገጥመን ከእስራኤላውያን ታሪክ ተምረን ወደ ቃሉ አንድንመለስ ፀሎቴ ነው ። እነዚህም አጫጭር ስብከቶች የተዘጋጁት ህይወትን ወደ ሚለውጠው ቃል የእግዚአብሔር ህዝብ እንዲመለከት ለማነቃቃት ነው :: "ትውልድ ሆይ የእግዚአብሔርን ቃል ተመልከቱ "( ኤር 2፥31 )