ज्ञानेश्वरी अभ्यास वर्ग - अध्यात्म चिंतन

हल्लीच्या धकाधकीच्या काळात अर्थपूर्ण, सुखी आणि समाधानी आयुष्य जगण्यासाठी आपल्या सर्वांना गरज आहे ती थोर संतांनी लिहिलेले ग्रंथ जाणून घेण्याची, ते कृतीत आणण्याची, त्यांच्या सद्विचारांच्या माध्यमातून आपलं रोजच जीवन कसं समृद्ध करावं हे समजून घेण्याची.

त्यादृष्टीने एक प्रामाणिक प्रयत्न म्हणून, ज्ञानेश्वरीचे अभ्यासक व प्रवचनकार श्री.आगाशे काका यांच्या कृपार्शीवादाने, श्री. विकास पवार यांनी ऑनलाईन ज्ञानेश्वरी अभ्यास वर्ग सुरू केला आहे. या वर्गाचा उद्देश सदगुरु-सेवा आणि संतांच्या विचारांचा प्रसार करणे हा आहे. हा उपक्रम म्हणजे सद्गुरुआज्ञेनुसार घेतलेलं सेवाव्रतच. 

ज्ञानेश्वरीतील प्रत्येक अध्यायातील मोजक्या पण महत्वाच्या ओव्यांवर आधारित झालेल्या अभ्यासवर्गाचे रेकॉर्डिंग्स या चॅनेलवर उपलब्ध आहेत. जाणकार श्रोत्यांकडून या उपक्रमाला भरघोस प्रतिसाद आणि मोलाच्या सूचना मिळाल्या. त्यांपासून प्रेरणा घेत, ज्ञानेश्वरीतील विचारधनावर आधारित पुढील विवेचन "ज्ञानेश्वरी पुष्पमाला" या सदरात करण्यात येईल. अध्यात्मज्ञानाविषयी मनापासून आवड असणाऱ्या साधकांनी याचा अवश्य लाभ घ्यावा! 

|| श्रीकृष्णार्पणमस्तु ||