ඇති - නැති Athi - Nathi

අප රට එදා පටන්ම සංවර්ධනය වෙමින් පවතින රටක් බව අප මනසට මේ වන විට කාවද්දන්ට සමත් වූයේ කවුරුන්ද යන්න ඔබ අප සැම දන්නා නමුත් එය පිළිගැනීමට තරම් මානසිකත්වයක් නැති වී ඇත්තේ කිමද යන්න තාමත් විශ්මයජනක තැනකට අප රැගෙන යනු ලබයි. වර්තමාන ශ්‍රී ලංකා සමාජය තුළ එකිනෙකා චෝදනා කරගනිමින් කල්ලි ගැසී බෙදා වෙන්කර ගන්නට උත්සුක වන්නේ කුමක්ද යන්න ප්‍රහේලිකාවකි. එහිදී ආගමිකව ජාතිකව අධ්‍යාත්මිකව දේශපාලනිකව තම මතය හා ස්ථාවරත්වය වෙනුවෙන් ඕනෑම හොඳ වැඩක් සේම නින්දිතම පහත් වැඩක් වුවද කිරීමට මිනිසා කිසිදු පැකිලීමකින් තොරව ඉදිරිපත් වේ. මේ සිද්ධි දාමය වෙනස්ම කෝණයකින් බලන අපි තේරුම් ගත් දෙය නම් මෙවැනි තත්වයක් ඇත්තෙන්ම උද්ගත වී ඇත්තේ ධනය හා බලය මුලික කරගනිමින් ඒ අනුව ඇත්තෙන්ම සමාජය මේ වන විට ඉහත මා සඳහන් කළ කල්ලි ගැසීම් වලට බෙදී වෙන්වී සිටියද ඒවාට අයත් සියලුම ශ්‍රී ලාංකිකයන් ඇත්තෙන්ම මුහුණ පා සිටින්නේ ඇති හැකි හා නැති බැරි කියන බෙදීමට පමණකි. මෙතැන් පටන් අප සූදානම් වන්නේ මේ ඇති නැති පරතරය වෙනස් කිරීමටත් මිනිසුන් අන්ධ කර දැමූ සමාජ මුලාවන් බිඳ හෙලීමටත් ශ්‍රී ලංකාව තුළ ධරිද්‍රතාවය හීන කිරීමට අවස්ථාවක් උදා කිරීමටත්ය.