Áfram Ísland

Áfram Ísland er yfirskrift baráttu sem drifin verður áfram af jákvæðni og bjartsýni. Stór hluti þjóðarinnar er þeirrar skoðunar að Ísland sé land tækifæranna og að hagsmunum íslensku þjóðarinnar sé best borgið utan ESB. Áfram Ísland er vettvangur fólks sem vill velja íslenska framtíð á eigin forsendum í þjóðaratkvæðagreiðslunni 29. ágúst.

Áfram Ísland er opinn vettvangur fyrir þá fjölmörgu sem vilja sjálfstæða framtíð Íslands utan ESB og telja að íslenska þjóðin sé fær um að sækja fram samhliða því að hún tekst á við og leysir þær áskoranir sem við henni blasa hverju sinni.