70 - 80களில் எம்மவர் இசை மழை - இன்றும் இனிமை.!!

உங்கள் வரவு நல்வரவாகுக.!
நாங்கள் இசைக்கலைஞர்கள் அல்ல ஆனால் எளிதான இசையால் கவரப்பட்டவர்கள்.
“70 - 80களில் எம்மவர் இசை மழை” எம்மவர்களின் இசை முயற்சிகளுக்கு  அர்ப்பணிக்கப்பட்டுள்ளது. 
மெல்லிசையில், வெகுஜனயிசையில் ஒரு புரட்சி நடந்த சகாப்தத்திற்குள் நாமும் பிறந்ததை ஒரு வரப்பிரசாதமாய் உணர்கிறேன். எம்மவரின் படைப்புகளில் உணர்வூட்டும் இசை,தனித்துவம்,களிப்பு இருந்தது. துரதிர்ஷ்டமாக இவ்விசை முயற்சிகள் காலவோட்டத்தில் மறக்கடிக்கப்பட்டுவிட்டன. இவற்றை ‘புற்றீசல்’ தனியார் வானொலிகளும் அல்லது அன்னை வானொலியெனும் அரசவானொலியும் புறந்தள்ளிவிட்டன.
எம் மூத்த கலைஞர்களுக்கு சரியான இடம் வழங்கப்படுவதில்லை என்பது அவமானமே.
எம் பணி, நாம் ரசித்து வளர்ந்த இசையை பாதுகாப்பதும், அதை இளைய தலைமுறைக்கு எடுத்துசெல்வதுமே. இசைவடிவங்கள் காலம் கடந்து விட்டன என்பதால், அவற்றை மறந்துவிட முடியாது.
பாடல்களின் அசல் பதிப்பை தரவேற்ற சாத்தியமான எல்லா முயற்சியையும் மேற்கொள்வோம்.
இம்முயற்சிகளில் எந்த வணிகரீதியான ஆர்வமும் எமக்கில்லை.
இத்தரவேற்றங்கள் உங்களை ஆனந்தப்படுத்தும் என்று நம்புகிறோம். 
கருத்துகள்,ஆலோசனைகளை எதிர்பார்க்கிறோம்.