keurspel se Afrikaanse- & Boeremusiek

Ek (Leon Rossouw) het besluit om hierdie kanaal te skep en toe te wy aan Afrikaanse- en Boeremusiek. My ander kanaal, keurspel, wat reeds sedert 2010 bestaan, het 'n baie groot aantal intekenare wat nie Afrikaans magtig is, derhalwe skryf ek alle kommentaar op keurspel in Engels. Ek voel egter nie gemaklik daarmee om Engelse kommentaar op Afrikaanse liedjies en Boeremusiek te skryf nie, dis vir my volksvreemd. Op hierdie kanaal sal ek dus net in Afrikaans kommunikeer.

Ek gaan voort met die beginsel om 'n album (langspeelplaat) in sy geheel te plaas, anders as die algemene gebruik om net gewilde of "mooi" liedjies te plaas. Vir my gaan dit oor die bewaring van die musiek, nie om gewild te wees in terme van aantal intekenare en "views" nie.

As 'n album beide Afrikaanse- en Engelse liedjies bevat, sal ek dit op hierdie kanaal plaas, aangesien dit dan hoogs waarskynlik sal wees dat die kunstenaar Afrikaans is.

Hoop julle geniet dit!