Loading...

TASAWWUF BAYAAN. MAROOF PEER 1.2

8,831 views

Loading...

Loading...

Loading...

Rating is available when the video has been rented.
This feature is not available right now. Please try again later.
Published on Jan 13, 2012

Tasawwuf kya hai?
Ans. Tasawwuf ko lafzon mein samajhna aur samjhana mushkil hai. Baqaul-e-hazrat khwaja bandanawaz gesudaraz R.A.
"Munh se kahein shakkar to zubaan ko nahi maza
Jisne chakha zubaan par lizzat wahi liya" Hum zubaan se lakh martaba shakkar shakkar kahein magar hamare alfaz shakkar ke zaika ki tarjumani nahi kar sakte. Agar kisi ne rangon ko na dekha ho aur woh tum se puche ke rang kya hai to tum kaise bataoge aur kaise samjhaoge. Behtareen tareeqa yahi hai ke usko rang dikhao.
Woh dekhte hi samajh jayega ke falan rang aisa hota hai. Alfaz mehndi ki khushboo ko sungha nahi sakte na raag bhairwi suna sakte hain. Pas jab maddi (5) hawas-e-khamsa (five senses) ke ehsasat alfaz mein bayan nahi kiye ja sakte. To qalb-o- rooh ke lateef ehsasat jo sarmayaae tasawwuf hain, kis tarha alfaz ke daire mein laye ja sakte hain.
Aadmi laakh tasawwuf ki kitabein padhe aur zubaan se tasawwuf tasawwuf kahe jaye lekin woh tasawwuf hargiz nahi samajh sakta.
Hazrat khwaja garib nawaz farmate hain:
Tasawwuf ism nahi rasm hai. Ismein hamagiri hai. Har shay ke irfan se khaliq tak pahonchne ka rasta hai. Tasawwuf ek haal hai, kaifiyat hai, vajdan hai. Talab is ki kunji hai. Zauq-o-shauq is ki baqa hai ishq-o-mohabbat is ka rukn-e-aazam aur zate matlaq tak pahonchne ka zeena hai. Marfat is ki khusussiyat hai. Fana fil zaat iska maqsad hai. Aur baqa dar baqa iska natija hai.


Buzurgon ke aqwal ilm-e-tasawwuf ko samajhne ke liye kuch had tak madadgar ho sakte hain magar yeh baat aap ke peshe nazar rahe ke tasawwuf ki tareef aur tafseer ke bare mein hazrate soofiya ke kalmat mukhtalif hain. In sab ka hasil yeh haike tasawwuf ka matlab hai akhlaq ki islah, batin ki safai, sifate kamila se mausoof hona.
Allah taala ke akhlaq se mausoof hona, rahe haq par qayam rehna, huqooq ka ada karna, dil ko allah taala ki mohabbat ke liye khaas karna, befaida kamon se parhez karna, taqwa ki pabandi karna.
Hazarate Sufiya karam ke aqwal
(1) Hazrat sayyedul-Tahereen Imam Mohammed Baqar Raziallhah tala hu anuhu farmate hain:
Tasawwuf achchhe akhlaq ka doosra naam hai, jo achchhe akhlaq mein tujhse zyada hai woh tasawwuf mein zyada hai.
(2) Hazrat Maroof karkhi Raziallhah hu tala anuhu farmate hain:
Tasawwuf har chiz ki haqiqat janne aur jo kuch logon ke paas hai usse mayoos hone ka naam hai.
(3) Hazrat Sayyedul-Taifa Junaid Baghdadi Raziallhah hu tala anuhu farmate hain:
Tasawwuf yeh haike tu apne nafs ko allah ke sath is tarha chhod de ke woh jo chahe iske sath kare.
(4) Hazrat Shaikh Abdul Qadir Jilani Gaus-e-Aazam Raziallhah hu tala anuhu farmate hain:
Allah ke sath siddq aur uske bandon ke sath achhe akhlaq se pesh aana tasawwuf hai.


(5) Hazrat Abul Hasan Noori Raziallhah hu tala anuhu farmate hain:
Tasawwuf ilm-o-fan ka naam nahi. Mujmuae akhlaq ka naam hai.
(6) Hazrat Khwaja Bahauddin Nakshbandi Bukhari Raziallhah hu tala anuhu farmate hain:
Tasawwuf yeh hai ke ajmali muamla tafseeli ho jaye aur istedlali muamla kashfi ho jaye.
(7) Hazrat Mujaddid-e-alfe saani Raziallhah hu tala anuhu farmate hain:
Tasawwuf shariyat par akhlas se amal karne ka naam hai.
(8) Maulvi Ashraf Ali Thanvi ne farmaya:
Tasawwuf khud apne ko mita dene ka naam hai.
(9) Hazrat Sayyed Iftekhar Ali Watan Qibla R.A. farmate hain:
Tasawwuf shariyat ka maghz hai. Jo log baraheen mohabbat se taqreer karte hain aur khilafe shariyat masaele tauheed jante hain aur samjhate hain woh mulhid hain. Tasawwuf woh hai jo waqe mein salik muaena kare. Tajalliyat-e-ilahi ka aur waqia us ko kehte hain jo khwab-o-bedari mein salik par ek haal taari hota hai ke na woh khwab hai na bedari.
Waise shakhs ko bedar samjhe ke sota hai. Soya hua shakhs tasawwur kare ke bedar hai aur waqe ki naueet aur tareef yeh hai jaise khwab ke woh ain roz hai na ain shab. Pas aise waqt-o-halat mein salik ko jo nazar aye woh tasawwuf hai.

"Yahi hai ilme tasawwuf ka khulasa
Mohammed naam hai shane khuda ka"




http://www.maroofpeer.com/tasawwuf.html

  • Category

  • License

    • Standard YouTube License

Loading...

When autoplay is enabled, a suggested video will automatically play next.

Up next


to add this to Watch Later

Add to

Loading playlists...