http://www.framingtheworld.com/m2z.html
Meer dan 4,000 jaar gelede het God vir Abraham in Mesopotamië verskyn en vir hom gesê: “Gaan jy uit jou land en uit jou familie en uit jou vader se huis, na die land wat Ek jou sal wys. En Ek sal jou 'n groot nasie maak.”Abraham het God gehoorsaam en het na die belowe land van Kanaan getrek, waar hy saam met sy seun Isak en sy kleinseun Jakob, wie later “Israël” hernoem is, gewoon het.
Israël en sy 12 seuns het na Egipte gegaan omdat daar honger was in die land van Kanaan, en hulle het baie vermenigvuldig tot hulle ‘n groot nasie geword het. Die Egiptenare het bedreig gevoel deur die kragtige nasie van Israël, dus hulle het vir die Israëliete slawe gemaak en hulle lewes bitter gemaak met harde werk. Na 430 jaar in Egipte is hulle deur Moses uit hulle slawerny gelei; toe het hulle die Skelfsee oorgesteek en was toe in Arabië, waar hulle by die berg Sinaï die wet van God ontvang het.
Vir die generasie Israëliete, wat saam met Moses Egipte verlaat het, was dit verbied om in die belowe land binnen te tree vanweë hulle gebrek aan geloof in die Here. Hulle was gedwing om vir 40 jaar in die wildernis rond te dwaal totdat daar ‘n nuwe generasie ontstaan het wat wèl in die Here vertrou het; en hulle het die belowe land saam met Joshua binnen getree.
Vir ongeveer 400 jaar het die Rigters oor die 12 stamme van Israël geheers, alles volgens die wet van Moses. Toe die mense na ‘n koning verlang het, net soos al die ander nasies, het God vir Saul hulle koning gemaak, en hy het 40 jaar lank oor hulle geheers. Daarna was Dawid vir 40 jaar die koning, toe sy seun Salomo wat ook vir 40 jaar lank die koning was. Tydens die koningskap van Salomo was die koninkryk van Israël op sy mees glorieus en die eerste Tempel is toe gebou. Maar omdat Salomo se hart in sy laaste jare nie meer met God was nie, het God vir hom gesê dat 10 van die stamme nie onder sy seun se koningskap sou val nie.
Na die dood van Salomo is die koninkryk van Israël in twee geskei, en die 10 noordelike stamme was deur ‘n reeks boosaardige konings gelei wat níe van Dawid en Salomo afgestam het nie. Die Noordelike Koninkryk het die naam Israël behou en uiteintlik was Samaria sy hoofstad. Die kleinere Suider Koninkryk is uiteintlik Juda genoem, met Jerusalem as hoofstad, en die nakomelinge van Dawid het daaroor regeer. Vanaf 2 Konings 16 word die inwoners van die Suider Koninkryk Jode genoem, na die koninkryk Juda.
