Loading...

Drejtori i Policisë së Shtetit në takimin e Komitetit të Palëve të Interesuara (KPI) të PAMECA IV

82 views

Loading...

Loading...

Rating is available when the video has been rented.
This feature is not available right now. Please try again later.
Published on Jun 3, 2015

Drejtori i Policisë së Shtetit Drejtues Madhor Haki ÇAKO, ka marrë pjesë në takimin e katërt të Komitetit të Palëve të Interesuara (KPI) të PAMECA IV, me temë “Raporti i ecurisë për semestrin e tretë Shtator 2014-Shkurt 2015”

Më 03 Qershor 2015, misioni PAMECA IV, zhvilloi takimin e katërt të Komitetit të Palëve të Interesuara të bashkëkryesuar nga Drejtuesi i Ekipit të PAMECA IV, z. Butini, Drejtori i Policisë së Shtetit z. Haki ÇAKO, dhe Prokurori i Përgjithshëm
z. Adriatik LLALLA.




Takimi i katërt i Komitetit të Palëve të Interesuara të misionit PAMECA IV, u zhvillua në ambientet e Ministrisë së Drejtësisë, ku morën pjesë përfituesit kryesorë të PAMECA IV, përfaqësues nga Delegacioni i BE-së në Tiranë, përfaqësues nga shtetet e konsorciumit të projektit, përfaqësues nga institucione shqiptare, përfaqësues nga projekte simotra në fushën e Drejtësisë dhe Zbatimit të Ligjit, si dhe palë të tjera të interesuara.

Komiteti i Palëve të Interesuara të projektit, është organi i ngarkuar me verifikimin e arritjeve dhe rezultateve dhe diskutimin e veprimeve që duhen ndërmarrë.

Ai miraton planet gjashtëmujore të punës dhe rekomandon dhe miraton ndryshime për ecurinë e projektit dhe të planit të punës.

Gjatë takimit, z. Butini bëri një ekspozé të veprimtarive të projektit në të 6 komponentët e tij sipas planit të punës për semestrin e tretë. Kryerja e veprimtarive, është arritur me anë të kombinimit të qasjes strategjike dhe asaj operacionale si dhe me takime pune dhe trajnime.

Në fjalën e tij, Drejtori i Policisë së Shtetit , Drejtues Madhor Haki Çako theksoi se veprimtaritë e PAMECA IV pasqyrojnë edhe punën e kryer nga Policia e Shtetit gjatë periudhës në fjalë.

“Analiza që po bëjmë sot, për “Raportin e Ecurisë për Semestrin e Tretë” , veprimtaritë e kryera gjatë kësaj kohe, shprehin qarte mbështetjen që i është dhënë në mënyrë të veçantë Policisë së Shtetit, duke bërë të mundur që axhenda e përparësive tona, të ishte në të njëjtën frekuencë me planifikimet dhe veprimtaritë e kryera nga misioni”

Z. ÇAKO, falënderoi z. Butini dhe stafin e tij për zbatimin me sukses të veprimtarive duke theksuar se :

“Nëpërmjet stafit tim, kam ndjekur nga afër aktivitetet e zhvilluara, për periudhën analizuese, dhe me kënaqësi, konstatoj se në këtë takim, organizata e policisë vjen me një pamje të re, falë reformave që ajo ka ndërmarrë dhe rezultateve të arritura, me një performancë në rritje në gjithë aspektet e sigurisë publike. Dhe natyrisht, misioni PAMECA IV, si një nga partnerët kryesor në reformimin e policisë shqiptare, ka patur një rol e kontribut tepër pozitiv, aktiv, duke u shërbyer reformave dhe zhvillimit të organizatës së policisë, pasi ky mision ka ndjekur nga afër ndryshimet dhe ka jetuar me shqetësimet e problemet tona”.

Në fund të fjalës së tij, Drejtori i Policisë së Shtetit Z. Haki Çako, ka vlerësuar si pozitiv Projekt - Planin e Punës të periudhës së ardhshme (Mars – Gusht 2015).

“Ne kemi dhënë sugjerimet tona dhe shprehemi dakord me miratimin e tij pasi ky plan është një plan ambicioz dhe është i harmonizuar me objektivat dhe prioritetet e Policisë për të ardhmen”.

Loading...

When autoplay is enabled, a suggested video will automatically play next.

Up next


to add this to Watch Later

Add to

Loading playlists...