Loading...

Dita e Alfabetit, diplomatët urojnë shqiptarët

219 views

Loading...

Loading...

Loading...

Rating is available when the video has been rented.
This feature is not available right now. Please try again later.
Published on Nov 22, 2011

Për nderë të 103 vjetorit të themelimit të alfabetit të gjuhës shqipe, Institutin për trashëgimi kulturore dhe shpirtërore të shqiptarëve e vizituan ambasadorët e SHBA-ve Poll Uollers, Shqipërisë Arben Çejku, Kosovës Skender Durmishi dhe ambasadori i Sllovenisë Alen Bergant. Ambasadori i SHBA-ve në Maqedoni, Poll Uollers tha se kjo ditë është e rëndësishme për gjithë shqiptarët kudo që janë.
"Dua të them se pres një vazhdim të bashkëpunimit me profesorin dhe Institutin dhe ti shikojmë mundësitë se si mund të ndihmojmë. Unë dua të përgëzoj të gjithë për ditën e alfabetit shqiptar. Unë e di se është një ditë jashtëzakonisht e rëndësishme, kjo ditë në vitin 1908 ishte një ditë e rëndësishme për të gjithë folësit e gjuhës shqipe andaj është një nder i veçantë për mua që jam sot këtu", deklaroi Poll Uollers, ambasador i SHBA-ve në Maqedoni.
"Ne biseduam edhe për mundësitë e krijimit të raporteve të mira me institucionet arsimore dhe shkencore të SHBA-ve, për format eventuale të bashkëpunimit dhe punës dhe ndihmës me literaturë dhe ligjërata eventuale që do të organizohen këtu prej ekspertëve amerikan", tha Shefqet Zekolli, drejtor i Institutit.
Institutin e vizituan edhe ambasadori i Shqipërisë në Maqedoni Arben Çejku si dhe ambasadori i Kosovës Skender Durmishi. Dy ambasadorët shqiptarët kërkuan që shqiptarët kudo që janë të marrin në konsideratë mesazhin e unifikimit.
"Sot jo vetëm historianët dhe ata që e shkruajnë gjuhën shqipe, jo vetëm gazetarët të cilët punojnë me gjuhën shqipe të përditshme, por të gjithë faktorët shqiptarë kudo që janë sot duhet të marrin në konsideratë, filozofinë dhe mesazhin e unifikimit, mesazhin e bashkimit, progresit dhe prosperimit të kombit tonë me modelet më të mira të kombeve të qytetëruara", u shpreh Arben Çejku, ambasador i Shqipërisë në Maqedoni.
"Për rëndësinë e Kongresit të Alfabetit hulumtuesit, studiuesit shkencëtarët tashmë na kanë thënë vlerësimet e tyre, shpresoj se edhe më tutje do të na thonë ato që duhet me kompetencë, ndërsa ne duhet të bëjmë të qartë se e dimë vlerën e tyre dhe bëjmë atë që duhet bërë për të treguar se e çmojmë dhe do ta kultivojmë edhe më tutje këtë çështje monumentale për kombin shqiptar me rëndësi të jashtëzakonshme", tha Skender Durmishi, ambasador i Kosovës në Maqedoni.
Ambasadori i Sllovenisë në Maqedoni, Alen Bergant, ditën e alfabetit shqiptarëve ua uroi në gjuhën shqipe.
"Urime festën e alfabetit. U dëshiroj të gjithë shqiptarëve festën e 103 vjetorit të Alfabetit", u shpreh Alen Bergant, ambasador i Sllovenisë në Maqedoni.
Dita e Alfabetit është festë zyrtare në Maqedoni që nga viti 2007 kur edhe është themeluar Instituti për trashëgimi kulturore dhe shpirtëror të shqiptarëve.

Loading...

When autoplay is enabled, a suggested video will automatically play next.

Up next


to add this to Watch Later

Add to

Loading playlists...