Loading...

Ca Pa Djedi (Original Song in Lojban by selpa'i)

13,135 views

Loading...

Loading...

Loading...

Rating is available when the video has been rented.
This feature is not available right now. Please try again later.
Published on Jun 3, 2013

Lyrics:
----------------------------------

je'u mi na sanga kakne
.i ku'i se va'u lo se prami
da troci lo ji'a sai na se kakne

Verse 1:
ni'o mi ca lo fanmo be la relmasti cu tolpa'a jinvi
lo du'u lo nanca ba na ju'o ja'a cinri .i
mi cinmo lo ka pindi bo se jinzi .i
ka'e xlamau fa po'o lo nu mi se lindi

ni'o ku'i ta'e ca'a fasnu fa lo xagrai ku
ca lo nu kanpe fi lo cmarai .i
ja'e bo mi pu'o lifri fe lo vajrai
pe lo mi nunji'e .i fasnu fa la'e di'e .u'a cai

ni'o do mi lampagre fau lo nu mi na tavbre
.i ku'i sei mi brasre termlu do mi na sanji
.i ku'i la'e di'u cu jai co'a manci
je kucli zei mutce do iu fai mi

ni'o je'u do se pensi
mi .i pensi ca ro vanci
.i da'i mo ca da'i
va'o lo nu na tolcanci

Chorus: x2
ca pa bavdei mi .e do
ba clatei pensi ro
boi lo nunci'o
.e lo mi'o nu pamsimbi'o

Verse2:
ni'o ro se zukte .e ro fasnu
cu galfi lo balvi gi'e galfi lo nu ma'a ma kau gasnu
.i ku'i lo brarai nu galfi pe lo mi nunji'e cu nu mi do penmi
.i nu selvi'e lo vilcarbi'e co se cinmo

ni'o lo xinmo fi lo nu ciska fi lo mi risna
fe lu mi do no roi cliva li'u cu se pilno do
.i co'a la'e di'u mi do jorne
.i co'a la'e di'u mi sanji lo censa vorme ku

ni'o do me lo mi seltau .i je'u lo nu mi cu selsmu kei do selgau vau
.i mi do selpau .i je no da do cu melmau
.i ko na senpi .i ja'a ku do melbi
.i tai seldri fa lo do nu no roi krici

ni'o je'u do se pensi
mi .i pensi ca ro vanci
.i da'i mo ca da'i
va'o lo nu na tolcanci

Chorus: x2
ca pa bavdei mi .e do
ba clatei pensi ro
boi lo nunci'o
.e lo mi'o nu pamsimbi'o

Verse3:
ni'o mi do ze'a
lo nanca be li re na
viska .i do zo'u mo
.i mi'o nupsi'u lo nu pensi'u
lo stuzi de'i li renoreno .i xu
do ba zvati .i ma do ba jvinu

ni'o do ba ma'urni'u .i je si'a mi ba na mibmi'u
.i da'i ki'u ku nunfi'u .i da'i cusku lu coi .y .y .y li'u
.i ku'i vajrai fa lo du'u xu kau mi do co'u ku selbi'u

ni'o zo'o nai mi na ka'e skicu
.i la'a do ba no roi cinmo fe lo mintu
be lo mi selcni noi ke'a mi na ka'e selski
.i va'o ro da lo nu mi do penmi cu cizra bo selfri

.i je'u do se pensi
mi .i pensi ca ro vanci
.i da'i mo ca da'i
va'o lo nu ba tolcanci

Chorus: x2
ca pa bavdei mi .e do
ba clatei pensi ro
boi lo nunci'o
.e lo mi'o nu pamsimbi'o

Loading...

When autoplay is enabled, a suggested video will automatically play next.

Up next


to add this to Watch Later

Add to

Loading playlists...