Loading...

Armin Van Buuren, live ne Tirane

3,005 views

Loading...

Loading...

Loading...

Rating is available when the video has been rented.
This feature is not available right now. Please try again later.
Uploaded on Oct 17, 2011

DJ NUMËR 1 NË BOTË, SPEKTAKËL LIVE NË KRYEQYTETIN SHQIPTAR

TIRANË, 15 Tetor /ATSH- Edmond Prifti/.- Nuk është thjesht një DJ. Është Armin Van Buuren, i pari i profesionistëve që njihet deri më sot në pultin e miksimit.
I mirënjohur për dhjetëra hite, holandezi vuri këmbën e tij në aeroportin "Nënë Tereza" gjatë pasdites së djeshme. Dy orë më vonë dha një konferencë shtypi, ndërsa në mesnatë deri në orët e para të mëngjesit, performoi live në mikster, para më se 15 mijë fansave shqiptarë e të huaj, të pranishëm në stadiumin "Qemal Stafa".
Ashtu siç kërkon të luajë filmin e tij të jetës si aktori i preferuar Jim Carrey, holandezi Armin Van Buuren u paraqit gjatë konferencës me gazetarët, jo me një qeshje të lehtë, por duke qeshur gati gjatë gjithë kohës, e për më tepër pyeste ngaherë: "Pyetje tjetër, kush ka", duke e kthyer kësisoj më tepër në një diskutim të zgjeruar me mediat por edhe me admiruesit e tij në Tiranë.
Për më se 7 orë kryeqyteti shqiptar gjatë mbrëmjes së djeshme nuk kishte gjumë, që nga mesnata deri para pak agimit të mëngjesit të sotëm.
Shfaqjen e papërsëritshme në Tiranë nuk arriti "ta shkatërronte" as moti i përkeqësuar ditët e fundit. Para se të miksonte live, artisti 36-vjeçar deklaroi para gazetarëve shqiptarë se "DJ nuk janë si Popstarët apo Rockstarët. Janë krejt ndryshe...", u shpreh ai.
"Ata këndojnë apo luajnë në kitarë, kurse DJ-ët luajnë me çdo muzikë që është regjistruar ndonjëherë. Kjo është detyra jonë dhe e rëndësishme është që të kënaqim turmën. Kështu që turma ka më shumë rëndësi tek DJ. Dhe është normale që në koncerte të sjell versione speciale të tërë hiteve te mia. Nëse publiku dëshiron të dëgjojë 2 orë Instrumental Oblivtik Trance, unë atë do luaj. Nëse publiku dëshiron të dëgjojë 3 orë Tekno ose Vocal Trance, do të luaj atë. Varet. Unë nuk jam këtu për vete, por për publikun", u shpreh 36-vjeçari Armin Van Buuren.
I cilësuar si mbreti i muzikës Trans, DJ Armin Van Buuren ka filluar të luajë muzikë që në moshën 14-vjeçare për të korrur më pas suksese, që askush nuk i priste.
Katër herë radhazi DJ Van Buuren është cilësuar numri një në sondazhin "Top 100" të revistës prestigjioze "DJ Mag", duke u bërë kështu DJ i parë që fiton këtë çmim katër herë radhazi në historinë e kësaj reviste.
Për më shumë se 14 vite, ai krahas performancës si DJ, ka qenë edhe producent i shumë pjesëve të njohura në mbarë botën.
Kur e pyet se si ndihet numri "Një" i DJ-ve në botë, të përgjigjet: "Jam i befasuar. Jam njeriu më me fat në botë. Unë çdo ditë bëj thjesht atë që dua. Spektaklin tim në radio dhe hitet e mia së bashku, besoj se më ndihmojnë. Por e di çfarë është më shumë argëtuese dhe që dua ta them? Nuk çohem në mëngjes e të them si të bëhem numri një. Numri një është diçka që të ndodh dhe kjo është fantastike. Dua të them se jam me fat që muzika trans është aq e dëgjuar. Por unë kam luajtur trans që kur nuk ishte e dëgjuar si rrymë".
E në fakt, me albumet dhe pjesët e tij, DJ Armin Van Buuren ka pasur një ndikim të madh e të shpejtë në mbarë botën. Albumi i titulluar "Imagine", u bë numri një në "Top 100" holandeze dhe u vlerësua që në javën e dytë. "In and Out of Love" me këngëtaren Sharon den Adel, ka patur më shumë se 88 milionë klikime në faqen "YouTube", duke mbajtur pozicionin e parë në "Top 10", si videoja më e ndjekur holandeze e të gjithë kohërave.


Gjithashtu, në po këtë faqe, fansat e kanë "etiketuar" si "Bet'hoveni i dytë", por me modesti DJ Armin Van Buuren gjatë përgjigjes që ATSH Multimedia iu drejtua atij, tha se "nuk është i denjë për një krahasim të tillë".
Tre gjërat të cilat ai s'mund ti harrojë kurrë për t'i marrë ngaherë me vete janë: "USB-ja, laptopi i tij dhe karikuesi...".
"Faleminderit qytetarëve të Shqipërisë për ftesën dhe mbështetjen e madhe", qenë fjalët e fundit para se tre nga fansat e tij shqiptarë të dilnin në fotografi përkrah DJ-it më të mirë të të gjitha kohërave.
Ndërsa gjatë mesditës së sotme, në faqen zyrtare të tij shkruhet: "Amazing night in Tirana Albania! Didn't know there were so many trance lovers here! Thank you!" (Njw natë e mrekullueshme në Tiranë, Shqipëri! Nuk e dija që këtu ishin kaq shumë adhurues të muzikës trance. Falenderime!).

Imazhet: Armino Faja / Edmond Prifti

  • Category

  • License

    • Standard YouTube License

Loading...

When autoplay is enabled, a suggested video will automatically play next.

Up next


to add this to Watch Later

Add to

Loading playlists...