Privatezza
Privatezza
Fuq YouTube u Google, nifhmu li meta n-nies jużaw is-servizzi tagħna, ikunu qed jafdawna bl-informazzjoni tagħhom.
aqbeż f'taqsima
aqbeż f'taqsima
Privatezza
L-Approċċ Tagħna għall-Privatezza
Aħna nżommu mal-prinċipji tal-privatezza ta' Google li jfisser li nibnu prodotti li huma privati mid-disinn tagħhom u li jqisu d-dejta li nużaw, kif nużawha u kif nipproteġuha. Kwalunkwe dejta li niġbru biex nippersonalizzaw is-servizzi għall-utenti tagħna, inklużi r-rakkomandazzjonijiet personalizzati, ir-riżultati tat-tiftix li jgħinuhom jiskopru aktar faċilment il-ħallieqa li jħobbu, il-kontenut li jissodisfa l-bżonnijiet tagħhom u l-pubblikazzjoni tar-reklami rilevanti huma kollha kkontrollati mill-utent fis-settings tal-privatezza tiegħu.
Dan jippermetti lill-utenti jagħżlu x'jgħodd għalihom, sabiex ikunu huma fil-kontroll tal-informazzjoni personali maqsuma ma' Google - inklużi r-reviżjoni tad-dejta tagħhom, it-tniżżil u t-tmexxija tagħha f'servizz ieħor, jew it-tħassir għalkollox tagħha xħin ikunu jridu. Il-politiki tal-privatezza ta' Google iżommu lill-utenti infurmati dwar liema dejta niġbru, kif tintuża, u għaliex. U aħna qatt ma nbigħu l-informazzjoni personali ta' utent lil ħadd.
Għodod tal-Privatezza
L-għodod tal-privatezza tagħna huma faċli biex jintużaw u jagħtu s-setgħa lill-utenti tagħna biex jagħżlu l-esperjenza li tgħodd għalihom l-aktar.
Settings tal-Privatezza
Id-dejta tiegħek f'YouTube hija karatteristika li tagħmilha aktar faċli għall-utenti biex jifhmu u jikkontrollaw liema dejta tiġi ssejvjata u kif tintuża fuq il-pjattaforma u f'Google. Tagħtihom aċċess veloċi għall-kontrolli tal-privatezza ta' YouTube, bħal pereżempju tippermetti lill-utenti imdaħħlin sabiex iħassru l-kronoloġija tat-tiftix tagħhom, ineħħu l-entrati ta' tiftix individwali mis-suġġerimenti tat-tiftix jew iwaqqfu l-kronoloġija tat-tiftix billi jużaw is-settings tal-kronoloġija ta' YouTube. Dan jippermetti lill-utenti jottimizzaw l-esperjenza tagħhom fuq il-pjattaforma u jiddeċiedu liema informazzjoni personali tintuża biex tinfluwenza r-rakkomandazzjonijiet.
Noffru wkoll il-modalità Incognito, li tippermetti lill-utenti li jkunu imdaħħlin fl-app ta' YouTube sabiex jibbrawżjaw privatament f'sessjoni sabiex it-tiftix fil-kont tagħhom u l-kronoloġija tal-viżwalizzazzjonijiet ma tirriflettix dak li jkunu qed jaraw.
Settings tar-Reklami
Bis-Settings tar-Reklami, l-utenti jistgħu jaraw liema informazzjoni qed tintuża biex jiġu personalizzati r-reklami għalihom, jattivaw jew jiddiżattivaw kwalunkwe waħda minnhom, jew jiddiżattivaw ir-reklami personalizzati għalkollox. Xorta se jibqgħu jaraw ir-reklami, iżda x'aktarx se jkunu inqas rilevanti.
Aħna ma nippubblikawx reklami personalizzati lil utenti taħt it-18-il sena.