IS
Ó na luathlaethanta, chuir YouTube ar chumas na milliún cruthaitheoirí a nguthanna a chomhroinnt, ceangal le spriocphobail dhomhanda agus gnólachtaí rathúla a fhorbairt. Táimid ar bís faoin deis atá ag IS chun bealaí nua cruthaitheachta a dhíghlasáil agus gnáthobair laethúil an chruthaithe a dhéanamh níos éasca.
De réir mar a théimid i muinín cumais IS, ní mór dúinn a chinntiú chomh maith go bhfuil na cosaintí cearta agus na ráillí cosanta i bhfeidhm againn.
léim chuig rannán
IS
Thóg na milliúin cruthaitheoirí gnólachtaí inbhuanaithe ar YouTube ó d'athraigh an t-ardán físeán do dhaoine ar fud an domhain ó bhonn. Cad é a chiallaíonn sé sin do gheilleagar na gcruthaitheoirí ar tháinig rath agus bláth air mar gheall ar an réabhlóid sin?
Tá cruthú ábhair ag éirí níos saoráidí agus níos éifeachtúla mar gheall ar uirlisí nua IS-chumhachtaithe, ionas gur féidir le cruthaitheoirí níos mó ama a chaitheamh ar na codanna den phróiseas a dteastaíonn uathu infheistíocht a dhéanamh iontu – agus leanfaidh an próiseas de bheith ag forbairt sna míonna agus sna blianta atá le teacht.
an céatadán de chruthaitheoirí a bhfuil uirlisí IS Ghiniúnaigh in úsáid acu cheana féin
Is é an sprioc atá againn ná an chruthaitheacht dhaonna a chumasú, ní rud eile a chur ina háit. Is é IS an chéad réabhlóid chruthaitheachta eile agus táimid ar bís faoin gcaoi a gcabhróidh sé le breathnóirí eispéireas ar bhealaí nua a fháil ar YouTube.
Tá sé ag cur ar chumas cruthaitheoirí a bheith nuálach ar fud formáidí cheana féin agus ábhar úr agus ábhartha a chruthú – agus táimid dírithe ar ghnéithe úsáideacha a sholáthar agus doirse a oscailt do phobail ar fud na cruinne.
de chruthaitheoirí a bhfuil IS Giniúnach in úsáid acu faoi láthair, tá sé in úsáid acu le haghaidh tacaíocht chruthaitheach
a ligeann do chruthaitheoirí a bhfíseáin a aistriú go héasca agus teagmháil a dhéanamh le spriocphobail nua.
a chabhraíonn le cruthaitheoirí ag gach céim den phróiseas cruthaitheach, leis an Inspiration Tab in YouTube Studio á chumhachtú ag IS chun cabhrú le smaointe físeáin, teidil agus moltaí mionsamhlacha a choimeád do chruthaitheoirí.
a chabhraíonn le cruthaitheoirí ag gach céim den phróiseas cruthaitheach, leis an Inspiration Tab in YouTube Studio á chumhachtú ag IS chun cabhrú le smaointe físeáin, teidil agus moltaí mionsamhlacha a choimeád do chruthaitheoirí.
Agus muid ag dul i muinín cumais IS, teastaíonn uainn a chinntiú go bhfuil na cosaintí agus na ráillí cosanta cearta i bhfeidhm againn. Tá sé mar aidhm ag ár bpolasaithe agus ár dtáirgí ábhair chruthaitheacha a chosaint agus a chumasú sa ré IS agus an pobal YouTube a choinneáil sábháilte.
Mar is iondúil, tugann ár dTreoirlínte Pobail sainmhíniú ar na rialacha maidir le gach ábhar – lena n-áirítear ábhar arna ghiniúint ag IS – ar YouTube. Tá polasaithe sonracha againn chomh maith a threoraíonn an chaoi a bpléimid le hábhar IS, lena n-áirítear ceanglais maidir le faisnéisiú agus lipéadú.
Ceanglaímid ar chruthaitheoirí a nochtadh nuair a dhéantar ábhar réalaíoch ina bhfuil meáin athraithe nó shintéiseacha. Is féidir go n-áireofar Lipéid IS Ghiniúnaigh san fhaisnéis a chuireann síos ar an bhfíseán ansin agus, má bhaineann ábhar le topaicí íogaire amhail sláinte, nuacht, toghcháin nó airgeadas, is féidir go dtaispeánfaimid lipéad ar an bhfíseán féin.
Rinneamar nuashonruithe ar ár gcaighdeáin phríobháideachais chomh maith a fhágann gur féidir iarratas a dhéanamh chun ábhar arna ghiniúint ag IS nó ábhar sintéiseach nó athraithe eile a ionsamhlaíonn duine inaitheanta, lena n-áirítear aghaidh nó guth an duine sin, a bhaint ach ár bpróiseas maidir le hiarratas príobháideachais a úsáid. Ní bhainfear gach aon ábhar de YouTube agus cuirimid fachtóirí éagsúla san áireamh agus na hiarratais sin á meas againn. Is féidir go n-áireofaí leis sin an bhfuil scigaithris nó aoir san ábhar, an bhfuil an duine atá ag déanamh an iarratais inaitheanta go huathúil nó an bhfuil oifigeach poiblí nó duine clúiteach ann, agus sa chás sin is féidir go mbeidh caighdeán níos airde ann.
de chruthaitheoirí, teastaíonn treoirlínte uathu maidir le hábhar IS Ghiniúnaigh a phostáil go freagrach chuig ardáin meán sóisialta agus chuig ardáin físeán
D'úsáid YouTube meascán de dhaoine agus de mheaisínfhoghlaim i gcónaí chun ár dTreoirlínte Pobail a fhorfheidhmiú. Inár gcuidne córas, cabhraíonn aicmitheoirí IS chun ábhar a d'fhéadfadh a bheith sáraitheach a bhrath ar scála mór, agus oibríonn athbhreithneoirí chun a dheimhniú ar sháraigh ábhar línte polasaí i ndáiríre. Bíonn IS ag cur le luas agus cruinneas ár gcóras modhnóireachta ábhair an t-am ar fad.
Oibrímid le cuideachtaí eile chomh maith ar fud na dtionscal teicneolaíochta agus meán chun gealltanais agus caighdeáin a bhunú a thacaíonn le freagracht níos leithne maidir le IS Giniúnach, lena n-áirítear an Comhaontú Teicneolaíochta maidir le hÁbhar Toghcháin IS atá Mealltach, agus C2PA.
Ag YouTube, táimid tiomanta chun a chinntiú go mbíonn rath ar ár gcruthaitheoirí agus ar ár gcomhpháirtithe sa tírdhreach athraitheach seo. Is ionann sin agus na huirlisí atá de dhíth orthu a thabhairt dóibh chun cumas cruthaitheach IS a úsáid agus rialú a choinneáil ar an gcaoi a gcuirtear a gcosúlacht i láthair, lena n-áirítear a n-aghaidh agus a nguth.
Chun é sin a bhaint amach, d'fhorbraíomar teicneolaíocht le
haghaidh bainistiú cosúlachta, lena n-áirítear
teicneolaíocht aitheantais maidir le hamhránaíocht
shintéiseach laistigh de
Aitheantas Ábhair
a ligfidh do chomhpháirtithe ábhar arna ghiniúint ag IS ar
YouTube a ionsamhlaíonn a nguthanna amhránaíochta a bhrath
go huathoibríoch agus a bhainistiú, agus teicneolaíocht nua
a chuirfidh ar chumas daoine ó thionscail éagsúla – ó
chruthaitheoirí agus aisteoirí go ceoltóirí agus
lúthchleasaithe – ábhar arna ghiniúint ag IS ina
dtaispeántar a n-aghaidh ar YouTube a bhrath agus a
bhainistiú.
Mar is iondúil, leanfaimid de bheith ag athrú agus ag
atriail chun a chinntiú go bhfuil cothromaíocht á haimsiú
againn idir na buntáistí iontacha a chuireann an
teicneolaíocht sin ar fáil agus sábháilteacht leanúnach ár
bpobail.
