Príobháideachas
Príobháideachas
Ag YouTube agus Google, tuigimid go bhfuil daoine ag cur muinín ionainn maidir lena bhfaisnéis nuair a úsáideann siad ár seirbhísí.
léim chuig rannán
léim chuig rannán
Príobháideachas
Ár gCur Chuige maidir le Príobháideachas
Cloímid le prionsabail phríobháideachais Google, rud a chiallaíonn go bhforbraímid táirgí atá príobháideach d'aon ghnó agus go bhfuilimid machnamhach maidir leis na sonraí a úsáidimid, an chaoi a n-úsáidimid iad agus an chaoi a gcosnaímid iad. Maidir le haon sonraí a bhailímid chun ár seirbhísí a shaincheapadh d'úsáideoirí, lena n-áirítear moltaí oiriúnaithe, torthaí cuardaigh a chabhraíonn leo teacht níos éasca ar chruthaitheoirí a thaitníonn go mór leo, ábhar a chomhlíonann a riachtanais agus fógraí ábhartha a dháileadh, rialaíonn úsáideoir iad sin ar fad laistigh dá s(h)ocruithe príobháideachais féin.
Ligeann sé sin d'úsáideoirí a roghnú cad is ceart dóibh féin, ionas go bhfuil siadsan i gceannas ar an bhfaisnéis phearsanta a chomhroinntear le Google – lena n-áirítear a sonraí a athbhreithniú, iad a íoslódáil agus a bhogadh chuig seirbhís eile nó iad a scriosadh go hiomlán nuair a theastaíonn sin uathu. Coinníonn polasaithe príobháideachais Google úsáideoirí ar an eolas maidir le cé na sonraí a bhailímid, cén chaoi a n-úsáidtear iad agus cén fáth. Agus ní dhíolaimid faisnéis phearsanta úsáideora le haon duine.
Uirlisí príobháideachais
Tá ár n-uirlisí príobháideachais éasca le húsáid agus cuireann siad ar chumas ár n-úsáideoirí rogha a dhéanamh maidir leis an eispéireas a oibríonn dóibhsean.
Socruithe Príobháideachais
Is gné é Do shonraí in YouTube a fhágann é níos éasca d'úsáideoirí tuiscint agus rialú a bheith acu ar cé acu sonraí a shábháiltear agus ar an gcaoi a n-úsáidtear iad ar an ardán agus ar fud Google. Tugann sé rochtain thapa dóibh ar rialuithe príobháideachais YouTube, amhail cead a thabhairt d'úsáideoirí atá sínithe isteach chun stair na gcuardach acu a ghlanadh, iontrálacha cuardaigh aonair a bhaint de mholtaí cuardaigh nó stair na gcuardach a chur ar sos trí úsáid a bhaint as socruithe staire YouTube. Cuireann sé sin ar chumas úsáideoirí a n-eispéireas ar an ardán a fheabhsú agus cinneadh a dhéanamh maidir leis an bhfaisnéis phearsanta a úsáidtear chun tionchar a imirt ar mholtaí.
Cuirimid Mód bréagreachta ar fáil chomh maith, rud a ligeann d'úsáideoirí atá sínithe isteach ar an aip YouTube brabhsáil go príobháideach i seisiún ionas nach léirítear i stair na gcuardach agus stair féachana a gcuntais an méid a bhfuil siad ag féachaint air.
Socruithe Fógraí
Agus Socruithe Fógraí in úsáid acu, is féidir le húsáideoirí féachaint ar an bhfaisnéis atá in úsáid chun fógraí a oiriúnú dóibh, aon chuid di a chur ar siúl nó a mhúchadh nó fógraí oiriúnaithe a dhíghníomhachtú ar fad. Beidh siad fós in ann fógraí a fheiceáil, ach is dócha nach mbeidh siad chomh hábhartha céanna.
Ní dháilimid fógraí oiriúnaithe ar úsáideoirí atá faoi bhun 18 mbliana d'aois.