Foghlaim

Gach lá, tagann daoine chuig YouTube chun rud éigin nua a fhoghlaim. Bíodh sé chun cabhair a fháil le tascanna ranga, staidéar a dhéanamh ar theanga iasachta nó iniúchadh a dhéanamh ar ghairm éagsúil, úsáideann daoine YouTube chun a saol a shaibhriú le faisnéis nua.

An sprioc atá againn ná coinneáil orainn leis an bhfoghlaim agus leis an teagasc ar YouTube a dhéanamh níos éasca do na billiúin cruthaitheoirí, múinteoirí, scoláirí agus foghlaimeoirí ar feadh an tsaoil ar fud an domhain agus ag brath ar an ardán le dul chun cinn a dhéanamh.

léim chuig rannán

léim chuig rannán Foghlaim

An Chaoi a bhFoghlaimíonn Úsáideoirí ar YouTube

Meallann YouTube réimse foghlaimeoirí a mbíonn eispéiris éagsúla foghlama á lorg acu.

Roghnaíonn daoine foghlaim ar YouTube toisc gurb é an leabharlann is mó ar domhan é ina bhfuil ábhar maidir le topaicí de gach aon chineál ann, ón gcódú go dtí an cheimic. Baineann úsáideoirí taitneamh as an eispéireas foghlama ar YouTube de bhrí go dtugann sé an deis dóibh chun teacht ar chruthaitheoirí agus pobail a thugann spreagadh agus misneach dóibh, chun tumadh go hiomlán in ábhar dá rogha féin agus chun leanúint dá gcuid foghlama ar a luas féin.

Ar fud ár gcuid tairiscintí agus uirlisí foghlaimdhírithe, tacaímid le turas foghlama na n-úsáideoirí tríd an eispéireas foghlama a dhéanamh gníomhach, tríd an bhfoghlaim a neartú ar an ardán, trí aiseolas a thabhairt ar an dul chun cinn a bhíonn á dhéanamh acu agus tuilleadh eile.

Quizanna

bealach idirghníomhach a thabhairt isteach do chruthaitheoirí chun caidreamh gníomhach a bhunú le breathnóirí agus chun cabhrú leo a gcuid foghlama a chur i bhfeidhm.

Cúrsaí

eispéiris foghlama struchtúrtha arna ndéanamh ag cruthaitheoirí rannpháirteacha chun ceachtanna físe eagraithe doimhne ar thopaicí sonracha, mar aon le hábhair sa bhreis, a chur ar fáil.

An Chaoi a dTacaíonn YouTube leis an Seomra Ranga is Mó ar Domhan

Nuair a théann daoine ar YouTube, is éard a bhíonn rompu ná ábhar ardchaighdeáin oideachais ó chruthaitheoirí den chéad scoth agus uirlisí a chothaíonn timpeallacht foghlama d'idir óg agus aosta atá níos sábháilte, tairbheach agus éasca le rochtain a dhéanamh uirthi.

Tá an fhoghlaim ar YouTube á cumhachtú ag ábhar ardchaighdeáin oideachais arna fhorbairt ag sárchruthaitheoirí ó cheann ceann an domhain, agus is iarmhúinteoirí iad go leor acu a bhaineann leas as a gcúlra oideachais sna hábhair éagsúla chun ábhar a chruthú ar mhaithe le foghlaim na n-úsáideoirí.

Ní siamsaíocht tús agus deireadh YouTube – is spás é a ligeann do dhaoine scileanna nua a fhoghlaim, tumadh go hiomlán ina bpaisin, a bhféiniúlacht uathúil a chur in iúl agus cruthaitheoirí a aimsiú. Tuigimid a luachmhaire atá YouTube i saol agus i bhfoghlaim ár n-úsáideoirí agus táimid tiomanta d'eispéireas níos sábháilte agus níos dearfaí, ar mó an tionchar atá aige, a dhéanamh de.

In the EU, 93% of users report using YouTube to gather information and knowledge.

According to Oxford Economics

An eolaíocht a shoiléiriú le greann agus ábharthacht.

Grá don mhatamaitic agus don fhoghlaim a chomhroinnt le daoine eile.

Fiosracht agus smaointeoireacht chriticiúil a spreagadh trí fhíseáin bheochana mhealltacha.

An fhoghlaim a dhéanamh spreagúil agus ina rud a mbeadh cuimhne air trí chumhacht an cheoil.

Teanga agus litríocht na Portaingéilise a theagasc ar bhealach mealltach bríomhar.

Neha Agrawal Mathematically Inclined channel image

Noda matamaitice a chomhroinnt ó fhíseán go chéile.

An Chaoi a bhfeidhmíonn YouTube mar Uirlis do Mhúinteoirí

Uirlis iontaofa éifeachtach oideachais do mhúinteoirí laistigh agus lasmuigh den seomra ranga is ea YouTube.

Úsáideann múinteoirí YouTube chun físeáin éifeachtacha mealltacha foghlama a chur le pleananna traidisiúnta ceachta agus chun pleananna saincheaptha ceachta a fhorbairt do dhaltaí a dteastaíonn am agus fócas breise uathu chun tuiscint a fhorbairt.

Player for Education

Seinnteoir leabaithe gan seachmall in YouTube is ea Player for Education de chuid YouTube, a fheabhsaíonn an bealach a dtaispeánann YouTube físeáin in uirlisí oideachais, ionas gur féidir le scoláirí agus le hoideoirí dul chun cinn a dhéanamh le chéile. Rinneadh d'fhoghlaimeoirí é, tacaíonn sé fós le príobháideachas na scoláirí agus cuireann sé ar chumas n-oideoirí físeáin YouTube a shannadh agus rochtain dhíreach an scoláire ar an ardán a theorannú.

Tuilleadh faisnéise

sin céatadán na múinteoirí a ndearnadh suirbhé orthu ar fud an domhain a d'úsáid YouTube ina ról mar mhúinteoir.*

sin céatadán na múinteoirí a ndearnadh suirbhé orthu ar fud an domhain a dúirt go bhfuil an cineál ceart ábhair ag YouTube chun pleananna ceachta traidisiúnta a chomhlánú.*

sin céatadán na múinteoirí a ndearnadh suirbhé orthu ar fud an domhain a dúirt go gcabhraíonn ábhar a bhaineann le foghlaim ar YouTube le scoláirí a gcuid ama ar líne a chaitheamh ar bhealach dearfach.*

*De réir suirbhé a rinne Ipsos i mí Lúnasa 2024 in aon mhargadh déag (an Astráil, an Bhrasaíl, Ceanada, an Chóiré, an Fhrainc, an Ghearmáin, an India, an Indinéis, an RA, SAM agus an tSeapáin).

An Chaoi a Neartaíonn Comhpháirtíochtaí YouTube an Fhoghlaim

Téimid, mar YouTube, i bpáirt le saineolaithe foghlama chun eispéiris mhórthionchair foghlama a chur ar fáil dár n-úsáideoirí. Trínár n-iarrachtaí comhpháirtíochta, féachaimid le clúdach domhanda a bheith againn agus sin an fáth a leanaimid orainn ag roghnú agus ag eagrú deiseanna comhpháirtíochta go cúramach coinsiasach fud fad an domhain. Mar shampla:

Tá comhpháirtíocht ar bun againn le EOECNA chun rochtain ar ábhar ardchaighdeáin oideachais a fheabhsú ar fud Mheiriceá Laidinigh. Díríonn an chomhpháirtíocht ar chainéil thiomnaithe YouTube a bhunú lena gcuirtear ábhar saincheaptha ar fáil, ábhar a bhíonn ag teacht le curaclam ar leith náisiúnta Meánscoile agus Ardscoile gach tíre. Cuirtear léi acmhainní luachmhara agus ábhair tacaíochta ar fáil do mhúinteoirí chomh maith, rud a thugann cumhacht dóibh na físeáin shaincheaptha sin a chomhtháthú gan stró ina bpleananna ceachta agus eispéiris foghlama níos mealltaí a chruthú.

I bpáirt le YouTube India, cuireann NPTEL 100 Cúrsa um Dheimhniú ar YouTube ar fáil i ndáil le réimse ábhar, ó Thiomáint na Roicéad go dtí an Léirmheastóireacht Liteartha, an Mheaisínfhoghlaim agus an tSíceolaíocht Spóirt. Tá gach cúrsa ceaptha chun ábhar struchtúrtha, lena n-áirítear léachtaí físe, sleamhnáin agus ceangaltáin comhaid breise, a thairiscint lena gcuirtear eispéireas cuimsitheach foghlama ar fáil.

Chuamar i bpáirt le Common Sense Media chun múinteoirí a threorú chuig ábhar spéisiúil ardchaighdeáin gan an próiseas fadálach cuardaigh a chur orthu. Cumasaítear sin le bailiúcháin d'fhíseáin shaincheaptha do mhúinteoirí meánscoile ar thopaicí réamhshainithe Matamaitice agus ar thopaicí Comhairleacha a bhíonn ag teacht go díreach le Caighdeáin an Chomh-chroíláir, le CASEL agus le rúibric foghlama Common Sense Media.

Chuamar i bpáirt le Arizona State University (ASU) agus Crash Course chun Study Hall a chruthú. Cur chuige nua atá ann d'fhonn an próiseas ollscoile a shoiléiriú agus, ag an am céanna, d'fhonn bealach isteach inacmhainne inrochtana a chruthú chun creidmheasanna ollscoile a thuilleamh.

Féach thart ar thuilleadh

An bhfuil fonn ort scil nua a fhoghlaim? Lig do YouTube cabhrú leat códú a fhoghlaim

3 bhealach a bhfuil YouTube Player for Education ag feabhsú na Teicneolaíochta Oideachais d'fhoghlaimeoirí

Conair nua chun an ardoideachais agus YouTube mar thairseach chuici!

Lá Domhanda na Múinteoirí á cheiliúradh: Tugann cruthaitheoirí YouTube ómós don tionchar a bhíonn ag na múinteoirí

Foghlaim

An Chaoi a bhFoghlaimíonn Úsáideoirí ar YouTube

Quizanna

Cúrsaí

Quizanna

Cúrsaí

An Chaoi a dTacaíonn YouTube leis an Seomra Ranga is Mó ar Domhan

Amoeba Sisters

Eddie Woo

Kok Bisa?

MC Grammar

Professor Noslen

Neha Agrawal Mathematically Inclined

An Chaoi a bhfeidhmíonn YouTube mar Uirlis do Mhúinteoirí

An Chaoi a Neartaíonn Comhpháirtíochtaí YouTube an Fhoghlaim

Féach thart ar thuilleadh