Museo Taller de olería de Niñodaguia

A parroquia de Santa María de Niñodaguia pertence ao Concello ourensán de Xunqueira de Espadañedo, e é coñecida internacionalmente por ser un lugar emblemático na execución e mantemento das técnicas oleiras.

Os cacharreiros de Niñodaguia, tamén coñecidos como xarreiros ou calleiros, mantiveron a súa olería tradicional grazas a abundante e peculiar arxila do Monte do barro, en Veigachá. A arxila, con alto contido en caolín, e as temperaturas as que se someten as pezas na cocción, dan a esta olería a cor, a lixeireza e o son que a diferencian de outras olerías aproximándoa a porcelana.

O Museo-Taller localízase en Niñodaguia, típica aldea cacharreira, e nel poderemos facer unha viaxe ao corazón da olería, visitar os antigos fornos, descubrir os usos da vaixela ou introducirnos nos segredos do torno.

Os vídeos que publicamos nesta canle están a libre disposición e difusión pública con fins educativos ou culturais, sen ánimo de lucro. Para máis información consultar co Museo-Taller.