Ֆիլոկալիա. Սեր Գեղեցկության

Սույն ալիքի տարածքում հրատարակվում են տեսանյութեր իմացական Գեղեցկության մասին, այսինքն՝ Ճշմարտության, այնպես՝ ինչպես այն հասկացվում է Քրիստոնեական Իմաստասիրության, Աստվածաբանության ու Միստիկայի մեջ։ Խոսելու ենք Քրիստոնեական Վարդապետության բոլոր ճյուղերի, կարևորագույն Կերպարների, դժվարիմաց կամ խնդրահարույց հարցերի մասին, մտորելու ենք Աստվածաշնչի, Ավետարանի, հոգևոր Հեղինակների գրությունների շուրջ, ջանալով պահպանել այն մեծարժեք հավասարակշռությունը Տեսության ու Գործնականի միջև, որը բնորոշ հատկանիշն է Քրիստոնեական ամենահարազատ ու վավերական ուսմունքի։ Լիովին իրավացի էր Օգոստինոս Ավրելիոս Հիպպոնացին, երբ Հիսուս Քրիստոսին դիմելով՝ ասում էր. «Հիրավի, Դու ամենագեղեցիկն ես մարդկանց որդիների մեջ»։
   
Ալիքի պատասխանատու խմբագիրը Մաշտոց Վահե Ղազարյանն է, ով Ընդհանրական (Կաթոլիկ) Եկեղեցու երեց (քահանա) է։