U ME' BABBU ALLA RISCOSSA
U me' babbu la sapiti, sempri monda indaffaratu / e' di quiddha razza strana: nun sa sta mai cancaratu. / Quistu viziu si l'e' presu dopu a guerra, manch'i cani / quanti giri avia da fa' pe' mitti' inzemmi un po' di pani. / A mattina all'Arsenali, a sera cineoperatori / e ogni radiu scarcagnata ghi dicia "U me' sarvatori!" / Fendi quistu e fendi quiddhu e' divintatu commercianti / cunservindisi mi pari a stima un po' di tutti quanti / pe' a bonta' de' so' lavori e pe' a vita chi campaia / ma je' penzu chi ogni tantu, francamenti, esageraia: / Cumi gh'era andata in capu quiddha brutta fissazioni / dei fiddholi e sei! e setti! una squadra di palloni! / si nun gh'era li' a me' mamma a mitti' un po' i mani avanti / puri l'arbitru sciurtia e un po' di pubblicu paganti. / Quistu solu pe' chiari' che iddhu e' bonu e bravu ma / hai da staghi monda attentu o prima o poi ti fa' scuscia'.
Ogni tantu je' presempiu cumpuniu una canzunetta / po' vinia u so compleannu e ghi faciu una cassetta, / iddhu prima l'indindia e po' gridaia "senti quista! / gh'ha una musica profonda! gh'ha una storia chi conquista! / qui bisogna fa' quarcosa, manda u nastru alla Carra', / chiama a quistu, cerca a quiddhu" e je' "O ba', nun mi fiaca' " / Perche' iddhu l'agghju ditta e' di quiddha razza strana / mentri a me personalmenti mi la fa' a malagana. / Quanta era a pena soia di sinti' in televisioni / certi pezzi di zamarri! certi schifi di canzoni! / ma putia suppurtalli quiddhi musichi di cacca / coi canzoni d'o fiddholu chi ristaini muti in stacca? / E ogni tantu ghi pruvaia a fa' quarcosa, a organizza' / ma je' sveltu ghi diciu "blocca tuttu, metta la'!".
Ma po' un jornu chi eru stufu di fa' sempri u vagabondu / e sogu andatu via a spusammi drittu drittu all'antru mondu / prima gh'e' rimastu mali e gh'ha persu un po' di sonnu / po' sintendisi piu' liberu... s'e' scatenatu l'ommu! / Gh'era justu una canzoni, puri registrata mali / ghi piacia, nun era brutta, religiosa ma sociali / Co' u pretestu d'aiuta' a Don Giuseppe, u so' cugnatu / cos'e' andatu a cumbinammi quistu babbu sciaguratu? / gh'ha truatu a copertina, po' l'ha presa, duplicata / e vinduta cumi offerta all'Oasi Santa Immaculata / cull'ambitu risultatu che dui o tre radiu locali / trasmittiini tuttu u jornu un nastru registatu mali! / Je' nun gh'entru la sapiti, je' nun agghju mossu un'ugna / ma pe' quistu babbu maccu sogu mortu d'a virgugna!
Mancu aviani finitu cull'offerti a fa u cuntegghiu / e iddhu fieru d'a pinzata ni pinzaia un'antra pegghiu. / Nun so qua' avia lanciatu un concorsu letterariu / pe' poeti dialettali dedicatu a'u caru Mariu / qua' vulia partecipaghi nun gh'avia chi da scrivi' / cusa ghi passaia in capu ma in dialettu, tuttu qui / Iddhu penza "gh'e' quiddh'antra, cumi fa'? L'armonichetta / cazzarola e' una poesia, po' benissimu essi letta / E cussi' vengu informatu chi partecipu o' concorsu / d'a letizia pe' telefunu ghi chioccu un bruttu morzu / "Puri quista mi sei fendi, cusa gh'hai in capu o ba' / ti sei solu divertendi o mi voi propriu sputtana'? / I paroli d'a canzoni so' ligati a melodia / nun li poi ligghi' da soli, sona mali, negattia! / E iddhu carmu "U me' fiddholu tuttu quiddhu chi ti pari / ma tu sei cusi' luntanu... cumi poi bloccammi avali'? / "Ah ma allora voi la guerra" gh'agghiu dittu "E va be', / va', partecipa o cuncorsu, ma ghi vagu puri je'. / Ah ma allora voi a guerra " (Quistu e u coru) "E guerra sia!" / E cusi' mi sogu missu a cumpuni' quista poesia.
Anzituttu mettu in chiaru chi li vogliu vinci' je' / i trecentumila franchi, nun so monda ma vabbe'. / Si la sagu u me' dialettu e' bastardu, artigianali / a poesia chi sogu fendi nun e' monda originali / e nun gh'agghju a faccia tosta di sulleticavvi a ceddha /dichiarendi che je' sogu tali e quali a una pateddha / prigioniera de' currenti chi la portani pe' u mondu / mancu a baddha, sogu statu e restu sempri un vagabondu. / Ghi turnaiu a meta' giugnu a u scogliu tantu pe' gradi' / quandu gh'era a sicurezza di cuddha', suna' e bi', / quandu po' partiani i rondini (aceddhi un po' fiacosi) / puri je' mi n'andagghiu pe' fa' a Urbinu i stessi cosi. / Ma i trecentumila franchi eh mi l'eti propriu a da' / alumancu pe' a fatica chi pe' voi mi tocca fa'.
La cosa continua ma il testo e' troppo lungo e non c'e' abbastanza spazio, scusate...
Loading...
3:28
Giovanna Azara - Alla mia isolaby Calandrinus2,503 views
bella ed emozionante!!! complimenti!
powergain84 4 months ago