KRANSHI DI SHETE DETENSHON.

Susesonan serio ta mustra ku e kaso di froude na Kranshi ta birando mas amplio, awor ku un di shete persona a keda arestá.
Un tim di outoridat a bai na kas di un señora ku tambe ta sospechoso den e kaso, pero e no tabata tei. Algun ratu despues e señora mes a bai entregá su mes na reshershi, despues di ku posibelmente e la tende ku nan tabata buské. E señora a keda identifiká komo B.M.A. di 46 aña di edat. E sospechoso aki ta bira e di shete persona ku a keda arestá pa posibel froude ku e asina yamá zegels pa dokumentonan ofishal na Kranshi. Telenotisia por a konfirmá tambe pa medio di hefe di Kranshi señor Harold Daal, ku NO ta berdat ku Kranshi lo ta será awe pa entre otro investigashon. E supuesto notisia aki a kuminsá sirkulá algun ratu pasá pero señor Daal a bisa nos ku no tin nada di bèrdat na esaki.
Meskos ku ayera, operashonnan diario ta sigui normal. Pa loke ta trata e sospechosonan ku a keda arestá djabièrne, nan detenshon a keda prolongá.

Category:

News & Politics

Tags:

• telecuracao
• telenotisia
• notisia
• curacao nieuws
• KRANSHI DI SHETE DETENSHON.