Kape't Pandasal Jan 11

"Harapin ang bagong araw na may sigla sa puso't isipan"

Magandang umaga po. Biyernes na naman at nandito na naman po ako, si Bro. Ernald upang saluhan kayong mag Kape't Pandasal. Tinatamad po ba kayo ngayon? Parang ayaw munang bumangon sa kama? Parang bang walang balak dumilat ang inyong mga mata? Baka ang ilan sa atin ay parang medyo hindi tama ang gising at ngayo'y nakasimangot pa. Bakit hindi po kaya natin dalhin iyan sa dasal, Kaibigan. Kausapin natin Siya ngayong umaga.

Kapag medyo nakapag-unat-unat na tayo, harapin natin ang ating Panginoon, sabihin natin sa Kanya, "Lord, tinatamad ako ngayon, gusto ko po sanang humilata na lang.Mabigat ang pakiramdam ko at parang walang gana. Kaya lang alam kong tinatawag mo na ako para bumangon at paglingkuran Ka. Pwede po bang pasiglahin Mo ang aking kalooban?Lagyan ng ngiti ang aking mga labi?Punuin Mo ng masasayang alaala ang aking isipan, at kilitiin ang aking puso't diwa?Lord, gisingin mo ako't gabayan, wag mo kong pababayan. Amen."

O, Kaibigan, nakapagdasal ka na. Huwag nang magpakeme-keme pa. Harapin na ang umaga ng may sigla sa puso't isipan. Nabigyan nanaman tayo ng isa pang pagkakataon upang mabuhay ng naglinglingkod sa Kanya, anoman ang tungkulin natin sa buhay. Ito na ang hinihintay nating bagong pag-asa. Kaya't bangon na at smile naman dyan! Magandang umga, kapamilya.

Category:

People & Blogs

Tags:

• Kape't
• Pandasal
• Jescom
• Jesuits
• Ernald
• Andal
• tamad
• lazy
• prayer
• pag-asa