Lulekuqet mbi mure

Timo Flloko reciton Anes Lumenjve nga Fan Noli,marre nga filmi "Lulekuqet mbi mure"
Arratisur, syrgjynosur,
Rraskapitur dhe katosur
Po vajtonj pa funt, pa shpresë,
Anës Elbë-s, anës Spree-së.
Ku e lam' e ku na mbeti,
Vaj-vatani e mjer mileti,
Anës detit i palarë,
Anës dritës i paparë,
Pranë sofrës i pangrënë,
Pranë dijes i panxënë,
Lakuriq dhe i dregosur,
Trup e shpirt i sakatosur.


Se ç'e shempnë derbederët,
Mercenarët dhe bejlerët,
Se ç'e shtypnë jabanxhinjtë,
Se ç'e shtrythnë fajdexhinjtë,
Se ç'e pren' e se ç'e vranë,
Ç'e shkretuan anembanë,
Nënë thundrën e përdhunës
Anës Vjosës, anës Bunës.


Çirem, digjem i vrerosur,
Sakatosur, çarmatosur,
As i gjall', as i varrosur,
Pres një shenj' e pres një dritë,
Pres me vjet' e pres me ditë,
Se ç'u tera, se ç'u mpaka,
Se ç'u çora, se ç'u mplaka,
Lark prej vatrës dhe prej punës,
Anës Rinit, anës Tunës.
Çakërdisur, batërdisur,
Përpëlitur dhe zalisur,
ËndËronj pa funt, pa shpresë,
Anës Elbë-s, anës Spree-së.


Dhe një zë vengon nga lumi,
Më buçet, më zgjon nga gjumi,
Se mileti po gatitet,
Se tirani lebetitet,
Se pëlcet, kërcet furtuna,
Fryhet Vjosa, derdhet Buna,
Skuqet Semani dhe Drini,
Dridhet beu dhe zengjini,
Se pas vdekjes ndriti jeta
Dhe kudo gjëmon trumbeta.
Ngrehuni dhe bjeruni,
Korini dhe shtypini,
Katundar' e punëtorë,
Që nga Shkodra gjer në Vlorë!


Ky ilaç e ky kushtrim
më bën djal' e më bën trim,
më jep forc' e më jep shpresë,
anës Elbë-s, anës Spree-së.
Se pas dimrit vjen një verë,
që do kthehemi njëherë,
pranë vatrës, pranë punës,
Anës Vjosës, anës Bunës.


Arratisur, syrgjynosur,
Raskapitur e katosur,
brohoras me bes' e shpresë,
anës Elbë-s, anës Spree-së.

Category:

Film & Animation

Tags:

• albania
• shqip
• albanian
• film
• shqiptar
• tirana
• lulekuqet
• mbi
• mure
• shkoder
• vlore
• Sali
• berisha
• politik

[oldscorpion13]

Nuk e di a ka shqipetar qe nuk rrenqethet nga fjalet asaj poezie?

Lereni fajet qe i vejme shtetin, te behemi vet zot e shkop. Mjaft mbajtet syte nga te huajt per zgjidhje, vemendje dhe ndihme. 3000000 here me mire shipetar i zverdhur nga mundi e duhani sesa lepires, i huajezuar, qe ngaterron fjalet shqip me te huaja, qe nuk i flet femijes gjuhen e nenes, qe ndrron emrin nga halli dhe harron hallin, qe shan dhe perqesh bashkathetar dhe traditat ne favor te perendimoreve. Jo or jo, NE jo ata !

[MrEduard1968]

thjesht e madherishme....thjesht shqiptare....timo eshte i paarritshem

[kris19719]

TE RRENQETH TRUPIN BRAVO.

[iliridaaaaaa]

ilirida kerkon bashkim kombetar!!!

[BNKLK]

Sikur ta dëgjoj edhe 100 milion herë këtë poezi të cilen e interpreton aq bukur i madhi Timo Flloko pak më duket.Lumë ne që i kemi ksi artistësh si Timoja.Je ikona e kinematografis Shqipëtare të lumët. 

[albertzekolli]

jane fjale qe te shpojne si thika..

[arcamDeitango]

@oldscorpion13

Por po ndodhi se vjen dita,

Qi me faj Shqypnine e darni,

Qi e Lirise, u erret drita,

Edhe m' t' huej Atdhene e mvarni,

A per pare, a marri tjera,

Si nder kohet, qi shkuene, at'hera,

Ju marrofte i Madhi Zot...

[skifter1000]

im proud to be albanian



[osmonaga]

ju thafshin gishtat kush i ben dislike ketyre veprave te artit

[DiasTheos]

Fan Noli madheshtor ne gjithcka por edhe i madhi Timo Flloko ne interpretim eshte i pakapshem. keto vargje jane manifest per popullin. kush nuk i kupton eshte koqe kandari jo nga ata kandaret e pazarit por nga ato qe mban zoti qe peshon planetet

[CrazyAssWhiteBoy84]

@oldscorpion13 do jet urrejtsi me i madh i kombesis nese do thoshte te kunderten