AKIDENTE BUS KU MUCHA

Un dama shòfùr dje bùs koló blanku a sali for di Frater Radulphusweg pa subi Nijlweg sin paga tinu ku un SUV kolo skur tabata aserkando. Shòfùr dje SUV no tabata por a eskivá e bùs ku a sali direpente su dilanti i dal den e banda robes dje vèn ku tabata transportá shete mucha di skol. Un dje hóbennan a frakturá su wea di funchi, miéntras ke otronan a sufri sla leve i keda hopi spantá i tabata yora tambe. E shòfùr dje bùs mes tabata keha di doló na garganta, miéntras ku shòfùr dje SUV a sali ileso for dje aksidente. CEMS a manda tres ambulans ne sitio dje aksidente pa duna e muchanan promé asistensha i transportá esnan heridá pa Poli kaminda nan a risibí tratamentu médiko. A papia hopi ku e muchanan komo ku e pobersitonan a haña nan mes enbolbí den un aksidente ku por a resultá hopi mas serio. Tur hende por kòrda kon siman pasa tambe un bùs ku ta transportá mucha di skol a aksidentá. Ne okashon ei e shòfùr tabata transportando mas tantu pasahero ku e ochonan ku lei ta permití.

Category:

People & Blogs

Tags:

• telecuracao
• telenotisia
• notisia
• nieuws
• notisias
• news
• curacao
• curacao nieuws
• notisia korsou
• notisia curacao
• AKIDENTE BUS KU MUCHA