O 18 de xullo, as Asociacións para a Recuperación da Memoria Histórica e demais entidades adheridas á Iniciativa Galega pola Memoria vimos de realizar na Illa de San Simón unha homenaxe nacional ás vítimas do franquismo, seguindo a xeira comezada no 2006 -o ano da memoria- dedicado especialmente nesta ocasión a lembrar as familias dos represaliados que tiveron e teñen que sufrir as consecuencias do acontecido ao seu parente. Consecuencias polas que aínda hoxe non foron resarcidos.
Participaron nestes actos 300 persoas, membros das diferentes asociacións adheridas á IGM, e que embarcaron desde o porto de Cesantes a partir das 9:30 da mañá.
Ás 11:00 da mañá comezaron os actos que se desenvolveron do seguinte xeito:
◦Saúdo de benvida do Xerente da Fundación Illa de San Simón Francisco Javier Alonso González. Quen fixo unha defensa do dialogo e a tolerancia para que non volvan suceder acontecementos como os que tiveron lugar na illa.
◦Presentación: A actriz e xornalista Comba Campoy, quen lembrou a historia negra da Illa de San Simón. Fixo referencia ás razóns para continuar a lembrar o acontecido con actos coma este, e tamén fixo mención da necesidade de honrar as familias dos represaliados, pois tamén sufriron o castigo por ter parentes perseguidos.
◦Intervención en representación das familias dos represaliados
◦Antonio Monroy Álvarez.
◦É fillo de Adolfo Monroy Figueroa, dirixente do sindicato de industrias pesqueiras da CNT, asasinado ás portas do cemiterio municipal de Mos, na madrugada do 10 de novembro do 1936. Antonio é o oitavo dos nove fillos e fillas do matrimonio formado por Adolfo Monroy e Josefa Álvarez, e daquela aínda non contaba catro anos de vida. Aida que neno foi testemuña do sufrimento da súa nai, e, criándose nun ambiente de incomprensión e pobreza.
◦Na súa intervención lembrou a súa nai e moitas nais e mulleres que coa perda dos seus homes pola represión tiveron que sacar adiante elas soas as súas familias en condicións moi duras, pois elas tamén eran condenadas socialmente e económicamente.
◦Intervención en representación dos presos da Illa de San Simón
◦Heriberto Rodríguez Bermejo.
◦Guimarei-A Estrada, 1913. Despois do golpe de estado de 1936 aprésano na Estrada e reclúeno nos cárceres do Lazareto de San Simón, Santiago e Pontevedra, pasa despois a batallóns de Traballadores en Canarias e Marrocos. Ao saír da cadea pasa un tempo na Estrada e logo, pola presión á que era sometido polos falanxistas locais emigra a Arxentina, de onde regresa anos despois, para establecer o seu domicilio de novo na vila pontevedresa.
◦Heriberto lembrou os catro anos que pasou na illa e tamén como as condicións da prisión non eran tan malas como noutros cárceres que logo tería que coñecer -quitando o acinamento a hora de durmir con máis de 80 persoas por sá- mais como o máis lamentable eran as "sacas" e os "paseos" así como a despedida daqueles que ían aos xuízos militares e eran fusilados.
◦Recital poético:
◦Carmen Blanco
◦Neta de avós represaliados (un deles preso nun barco que puido ser o Upo Mendi en San Simón) autora de libros sobre a memoria como VERMELLA CON LOBOS e ATRACCIÓN TOTAL
◦Claudio Rodríguez Fer
◦Fillo de represaliado, autor de libros sobre a memoria como A LOITA CONTINÚA e ÁMOTE VERMELLA
◦Ambos os dous recitaron poemas do libro "poemas polas vítimas do 36 en Galicia" - que foi repartido entre os asistentes- a algún poema máis que fai referencia a represión franquista.
◦Actuación Musical:
◦A Quenlla
◦Ligazón coa súa páxina. Grupo implicado co movemento memorialista co que colabora continuamente e membro adherido á IGM.
◦A Quenlla interpretou 3 cancións que facían alusión á memoria e a recuperación da palabra e da liberdade.
◦Lectura da declaración de principios acordada polas entidades adheridas a IGM
◦Xosé Lois Santos Cabana
◦Da Asociación para a recuperación da Memoria Histórica e defensa do Patrimonio Inmaterial A Oliveira
◦Ofrenda floral: Cemiterio da Illa, na Illa de San Antón.
◦Roteiro até o cemiterio lembrando a prisión:
◦Heriberto Rodríguez e Matías Da Torre
◦Lectura da táboa reivindicativa da IGM
◦Manuel Monge
◦Presidente da Asociación para a Recuperación da Memoria Histórica da Coruña
As 13 horas comezou o retorno en barco ao porto de Cesantes.
Loading...
8:07
O RAPAS DA ALDEA MEMORIAS DUN TRABALLADOR-.MANUEL BARROS - CORUXO-VIGO-COIAby SUSOMOR785 views
Link to this comment:
All Comments (0)