Dinamo 2009-10 (Kampione Faza I)

Me ndeshjet e Javës së 11-të, u mbyll Faza e I-rë e Kategorisë Superiore 2009-10, ku Dinamo u shpallur në mënyrë bindëse kampione e kësaj faze, duke kryesuar renditjen në kuotën e 29 pikëve.

Ja disa nga shifrat, faktet, dhe rekordet, e Dinamos kampione të Fazës së I-rë të Kategorisë Superiore 2009-10:

1. +10 pikë
Blutë tashmë gjenden në kutotën e 29 pikëve, pas 11 takimeve të zhvilluara (me një mesatare prej 2.63 pikë për ndeshje), e shkëputur me plot 10 pikë nga vend i dytë, Besa e Kavajës (1.7 pikë për ndeshje).

2. Më shumë fitore
Blutë në këto 10 javë të para të kampionatit, kanë koleksionuar plot 9 fitore, duke qenë skuadra me më shumë fitore të siguruara dhe duke pasur gjithashtu, serinë më të gjatë të rezultateve pozitive.

3. Pa humbje
Kanë kaluar 11 javë deri më tani, të vlefshme për Kategorinë Superiore 2009-10 dhe Dinamo ende nuk e ka provuar shijen e humbjes, duke koleksionuar 9 fitore, vetëm 2 barazime, dhe 0 humbje.

4. Vetëm fitore në "Qemal Stafa"
Dinamo, që ditën e djeshme fitoi 3-2 me Apoloninë, realizoi fitoren e 5-të rradhazi në 5 ndeshje në "Qemal Stafa" (ndaj Teutës, Shkumbinit, K.F. Tiranës, Gramozit, Apolonisë) të vlefshme për Kategorinë Superiore 2009-10.

5. "Mbretëresha" e transfertave
Me 4 fitore (ndaj Kastriotit, Flamurtarit, Laçit, e Besës) dhe vetëm 2 barazime (ndaj Vllaznisë e Skënderbeut), Dinamo është skuadra që ka arritur numrin më të madh të fitoreve jashtë fushe, si dhe skuadra që ka grumbulluar më shumë pikë: plot 14 pikë.

6. Fitorja më e thellë e kampionatit
Me pokerin 4-0 ndaj Gramozit, Dinamo ka realizuar deri më tani, fitoren më të thellë të Kategorisë Superiore 2009-10, që përbën njëkohësisht fitoren më të thellë brenda fushe.

7. Fitorja më e thellë jashtë fushe
Me fitoren 0-3, në Vlorë, ndaj Flamurtarit vendas, në ndeshjen e vlefshme për Javën e 2-të, Dinamo ka sigluar fitoren më të thellë jashtë fushe, gjatë këtij kampionati.

8. Sulmi më i mirë
Dinamo gjithashtu, është konfirmuar si skuadra me sulmin më të mirë të Kategorisë Superiore, me 21 gola të shënuar, duke qenë skuadra e vetme e kampionatit me një mesatare shënimi prej 1.9 gola për ndeshje.

9. Golavarazhi më pozitiv
Dinamo gjithashtu, është skuadra golavarazhin më pozitiv të Kategorisë Superiore, me 21 gola të shënuar dhe vetëm 4 të pësuar, +15, me një mesatare shënimi 1.9 gola për ndeshje dhe pësimi, 0.5 gola.

10. Kryegolshënuesit, blu
Lista e kryegolshënuesve të kampionatit, kryesohet nga dyshja e sulmit blu, Elis Bakaj dhe Fatjon Sefa, që kanë shënuar secili nga 6 gola, dhe së bashku 12 gola në portat kundërshtare.

11. Më shumë gola në shtëpi
Dinamo rezulton, si skuadra që ka shënuar më shumë gola brenda fushe, plot 12, në 5 takime (1 ndaj Teutës, nga 2 ndaj Shkumbinit e K.F. Tiranës, 3 ndaj Apolonisë dhe 4 ndaj Gramozit).

12. Më shumë gola të shënuar jashtë fushe
Dinamo rezulton, si skuadra që ka shënuar më shumë gola jashtë fushe, 9 të tillë (3 ndaj Kastriotit e Flamurtarit, nga 1 ndaj Laçit, Skënderbeut, e Besës).

13. Më pak gola të pësuar jashtë fushe
Me vetëm 2 gola të pësuar në ndeshjet e zhvilluara jashtë Tiranës (ndaj Kastriotit e Skënderbeut), Dinamo është skuadra që ka pësuar më pak gola në ndeshjet jashtë fushe, në raport me gjithë skuadrat e Kategorisë Superiore.

14. Aspekti "negativ"
Numri total i golave të pësuar, 6, kundrejt 4 të Besës, është rekordi i vetëm domethënës, që nuk zotërohet nga kjo Dinamo, kryesuese e merituar dhe që nga fillilmi, e Kategorisë Superiore 2009-10.

15. DINAMO REKORDMENE PAS VITIT 1990
Referuar të gjitha të dhënave më sipër, krahasuar me 11 ndeshjet e para të Bluve, së paku gjatë gjithë kampionateve të pas vitit 1990, skuadra e këtij sezoni, është Dinamo që ka arritur rezultatet më pozitive dhe që ka grumbulluar më shumë pikë. 29 pikë, nga 33 të mundshme.

- GOLSHËNUESIT E DINAMOS:
Plot 8 lojtarë të ndryshëm kanë shënuar për ekipin e Dinamos.
Krahas dy sulmuesve blu, Bakaj e Sefa, që janë kryegolshënuesit e kampionatit, rrugën e rrjetës e kanë gjetur edhe 6 lojtarë nga repartet e tjera.
Kështu: 2 gola ka shënuar mbrojtësi argjentinas Malakarne (ka realizuar ndaj Teutës e Laçit), bashkëkombasi i tij, i vendosur në krahun e djathtë të fushës, Soza (që ka shënuar ndaj Skënderbeut të Korçës);
si dhe mesfushori G.Muça (ka shënuar ndaj Kastriotit dhe Gramozit).
Nga 1 gol, kanë shënuar: mesfushori Kuli (ndaj Kastrioti me 11-metërsh);
sulmuesi Plaku (ka shënuar ndaj Flamurtarit);
dhe senegalezi Diop (shënoi ndaj Apolonisë).

Category:

Sports

Tags:

• Dinamo
• Tirana
• Tirane
• 2009
• 2010
• Kategoria
• Superiore
• Faza
• Kampione
• Champion
• Shkelqim
• Muca
• Elis
• Bakaj
• Fatjon
• Sefa
• Alfredo
• Rafael
• Sosa
• Lucas
• Malarcane
• Pape
• Diop
• Bekim
• Kuli
• Sebino
• Plaku
• Besa
• Apolonia
• KF
• Teuta
• Kastrioti
• Shkumbini
• Laci
• Skenderbeu
• Vllaznia
• Gramozi
• Flamurtari

[enedi]

simply the best

better than all the rest...