Concerto de Tiruleque na escalinata da Domus

Primeiro dos concertos programados pola Concellaría de Cultura na escalinata da Domus, dentro do ciclo Son da Noite.
Inigualable escenario e fenomenal ambiente festivo. Bravo pola aposta da Concellaría, de levar a nosa música e cultura á rúa.
Tiruleque nace na primavera do 2002 como proxecto, consecuencia das inquedanzas musicais de seis rapaces, todos eles chegados do mundo da música tradicional. Bebendo nas fontes desa tradición musical galega -tanto a través de recollidas como recorrendo aos cancioneiros- pero tendo tamén presentes outras moitas influencias. O obxectivo do grupo é acadar o seu propio son, identificable tanto en temas tradicionais como nas composicións propias, campo polo que o grupo mostra unha maior predilección. Nas súas actuacións están presentes instrumentos claramente unidos á música tradicional galega, mais empregados ao xeito propio do grupo, reinterpretando en certa manera a tradición.

Category:

Music

Tags:

• Tiruleque
• Domus
• Coruña
• Cultura

[begopetunia]

un concerto moi agradabel, xa q tiñamos boa musica bo escenario e boas vistas q máis se pode pedir, parece moi ben q a conselleria faga máis coma estas