"Açıq Sual" rubrikasından: Ziyalıların forumu Azərbaycanı ayağa qaldırdı...

Noyabrın 4-də Ziyalıların forumu "Milli Birliyin şərtləri və yolları" mövzusunda ictimai müzakirə keçirilib.Beynəlxalq mətbuat mərkəzində keçirilən dəyirmi masaya ölkə ziyalılarından şair və yazıçılar, politoloqlar, media nümayəndələri ilə yanaşı milli məclisin deputatları da qatılıb.
Tədbiri giriş sözüylə açan professor Rafiq Əliyev Ziyalılar forumunun fəaliyyətindən söz açıb, milli birliyin şərtlərindən danışıb.
Politoloq Eldar Namazov Ziyalılar forumunun internet səhifəsi aydinliq.az saytını ictimaiyyətə təqdim edib, forumun 2il ərzində həyata keçirdiyi işlərdən danışıb.
Şair Ramiz Rövşən ictimai əxlaqda yaranan deqradasiyaya diqqət çəkib, cəmiyyətin mənəvi yüksəlişində ziyalıların rolunu vurğulayıb.
Tarixçi alim, millət vəkili Cəmil Həsənli Azərbaycan cəmiyyətində milli birliyə nail olmağın yollarından danışıb və qeyd edib ki, bunun yeganə yolu ədalətli cəmiyyət qurulucuğundan keçir.
Əsas məruzəçilərlə yanaşı tədbirdə millət vəkili Gültəkin Hacıbəyli, professor Əbülhəsən Abbasov, politoloq Rasim Ağayev, professor Ramiz Məmmədov, yazıçı Elxan Xanəlizadə, Turan informasiya agentliyinin rəhbəri Mehman Əliyev, professor Şahlar Əsgərov, Ankara Universitetinin professoru Xanım Xəlilova da çıxış ediblər. Qeyd ediblər ki, milli birliyə nail olmaq üçün cəmiyyətdə mərhələli şəkildə iş aparmalı, ən əsası sosial ədalətin bərqərar olunmasına çalışmalıyıq.
Kinorejissor Rüstəm İbrahimbəyov isə vurğulayıb ki, ziyalıların əsas vəzifəsi cəmiyyət həyatında baş verənləri müzakirə edib, ictimaiyyətin diqqətinə çatdırmaqdır, digər məsələlər isə hakimiyyətin siyasətindən, cəmiyyətin səviyyəsindən asılıdır.
Sonda Rafiq Əliyev qeyd edib ki, müzakirələrin yekunu olaraq müraciət hazırlanıb cəmiyyətin müzakirəsinə veriləcək.
Tədbir Kanal13.TV tərəfindən canlı yayımlanıb.

Category:

News & Politics

Tags:

• Ziyalıların
• forumu
• Rafiq
• Əliyev
• Ramiz
• Rövşən
• Beynəlxalq
• mətbuat
• mərkəzi
• millət
• vəkili
• Cəmil
• Həsənli

[joker8km]

indiki bu rejim həqiqətəndə Azərbaycan milləti üçün həttda dövləti üçündə çox təhlükəli bir rejimdir.

[Ferityou]

Cox teesuf ki Ali Kerimli burada yoxdur.Ziyalilara esg olsun!!

[TheSedaget]

Aslan bey, bu rejimin adını, formasını ifade etmek lazimdir ki, insanlar bilsin ki, hansi rejimde yaşadiklarının farkında olsun