قصيدة الميدان - عبد الرحمن الأبنودي

الميدان .. أول قصيدة لعبد الرحمن الأبنودي بخصوص الأحداث الجارية في مصر وميدان التحرير

Category:

People & Blogs

Tags:

• قصيدة
• الميدان
• للشاعر
• عبدالرحمن
• الأبنودي
• ميدان
• التحرير
• شعر
• جمعة
• الغضب
• ثورة
• شباب
• 25
• يناير

[best4egypt]

أيادي مصرية سمرا ليها في التمييز ممدودة وسط الزئير بتكسر البراويز سطوع لصوت الجموع شوف مصر تحت الشمس آن الأوان ترحلي يال دولة العواجز عواجيز شدادا مسعورين أكلوا بلادنا أكل ويشبهوا بعضهم نهم وخسة وشكل طلع الشباب البديع قلبوا خريفها ربيع وحققوا المعجزة صحّوا القتيل م القتل اقتلني قتلي ما هيعيد دولتك تاني بكتب بدمي حياه تانية لأوطاني دمي ده ولا الربيع لاتنين بلون أخضر وببتسم من سعادتي ولاّ أحزاني

[best4egypt]

لكن خلاص يا وطن صحيت جموع الخلق قبضوا على الشمس بإيديهم وقالوا لأ م المستحيل يفرطوا عقد الوطن تاني والكدب تاني محال يلبس قناع الحق بكل حب الحياة خوض في دم أخوك قول انت مين للباعوا حلمنا وباعوك أهانوك وذلوك ولعبوا قمار بأحلامك نيران هتافك تحرر صاحبك الممسوك يرجع لها صوتها مصر ، تعود ملامحها تاخد مكانها القديم والكون يصالحها عشرات سنين تسكنوا بالكدب في عروقناا ؟!! والدنيا متقدمة ومصر مطرحها

[best4egypt]

كتبتوا أول سطور في صفحة الثورة وهم خبرا وعلما مداورة ومناورة وقعتوا فرعون هرب من قلب تمثاله لكن جيوشه مازالوا يحلموا ببكره صباح حقيقي ودرس جديدي قوي في الرفض أتاري للشمس صوت وأتاري للأرض نبض تاني معاكم رجعنا نحب كلمة مصر تاني معاكم رجعنا نحب ضحكة بعض مين كان يقول ابننا يطلع بنا م النفق دي صرخة ولا غنا وده ذنب ولا شفق

[best4egypt]

أتاريها حاجة بسيطة الثورة يا اخوانا مين اللي شافها كده ؟ من أول اللي بدأ ؟ مش دول شبابنا اللي قالوا خير ف أوطانهم ولبسنا توب الحداد وبعدنا قوي عنهم هم اللي قاموا النهارده يشعلوا الثورة ويصنفوا الخلق مين عانهم ومين خانهم يا دي المدان اللي حضر الفكره وسهّرها يا دي الميدان اللي فتن الخلق وسحرها يا دي الميدان اللي غاب اسمه كتير عنه وصبرها ما بين عباد عاشقة وعباد جارحة شباب كإن الميدان أهله وعنوانه ولا في الميدان نسكافبه ولا كابتشينو خدوده عرفوا جمال النوم ع الأسفلت والموت عارفهم قوي وهم عارفينه

[best4egypt]

لا الظلم هيّن يا ناس ولا الشباب قاصر مهما حاصرتوا الميدان عمره ما يتحاصر فكرتني يا الميدان بزمان وسحر زمان فكرتني بأغلى أيام في زمن ناصر شايل حياتك على كفّك صغير السن ليل بعد يوم م المعاناة وانت مش بتإن جمل محامل وانت غض .. بتعجب امتى عرفت النضال .. اسمحلي حاجة تجن أتاريك جميل يا وطن مازلت وهتبقى زال الضباب وانفجرت بأعلى صوت لأه حركتنا نبتسم ودفعت انت الحساب وبنبتسم بس بسمة طالعة بمشقة

[best4egypt]

فينك يا صبح الكرامة اللى البشر هانوا وأهل مصر الأصيلة اتخانوا واتهانوا بنشتري العزة تاني والتمن غالي فتح الوطن للجميع قبه وأحضانه الثورة فيض الأمل وغنوة الثوار الليل إذا خانوا لونه يتقلب لنهار ضج الضجيج بالندا اصحا يافجر الناس فينك يا صوت الغلابة وضحكة الأنصار واحنا وراهم أساتذه خايبة تتعلم ازاي تحب الوطن وامتى تتكلم طال الصدا قلبنا ويئسنا من فتحه قلب الوطن قبلكم كان خاوي و مضلم أولنا في الجولة ، لسه جولة ورا جولة ده سوس بينخر يا بويا في جسد دولة أيوة المَلك صار كتابة إنما أبدا

[best4egypt]

لو غفّلت عينا لحظة هيقلبوا العمله

لكن خوفي مازال جوّه الفؤاد يكبش

خوفي اللي ساكن شقوق القلب ومعشش

يقولي مش راح يسيبوا ولسه هيقبوا

وهايلاقولهم سكك وبيبان ما تتردش

وحاسبوا قوي م الديابه اللي ف وسطيكم

وإلا تبقى الخيانة منكم فيكم

الضحك ع البؤ بس الرك ع النيات

فيهم عدوّين أشد م اللي حواليكم

[mohafez72]

@jarto2003 الى مايعرقش الابنودى لا يعرق مصر

ربنا يهديك

[012300089694]

رائعة انت انسان عظيم ووطنى بجد

[mouneiry]

والله ابكتنى يا عبقرى ...ربنا يديك الصحه يا خال ويخليك لينا



[SuperKotoo]

وحاسبوا اوي م الديابه اللي ف وسطيكم.

والا تبقي الخيانه منكم ..............فيكم

الضحكه ع البق.............بس الرك ع النيات

فيهم عدوين............اشد من اللي حواليكم

[ahmed1975able]

رائعة



[genedinho]

جامد جديييييييييييييييييييي

[prins7amo1]

حد يعرف يعملها mp3 ??

[montos102003]

@jarto2003 مين دا

[kmkm73]

الله عليك يا خال

[5up5up]

آن الأوان ترحلي يا دولة العواجيز