Recital de Novoneyra en Mazustegi, (5 de 7).

Entre o sábado e o domingo (18 e 19 de maio de 1991) o Fato cultural "DANIEL CASTELAO" e a Asociación Cultural "ROSALIA CASTRO" , para celebrar o "Dia das letras Galegas" adicado aquel ano a Alvaro Cunqueiro, trouxeron a Euskal Herria ao gran poeta galego Uxío Novoneyra, que deu fermosos recitales de poesía en duas povoacións vascas poboadas por emigrantes galegos como son Trintxerpe en Gipuzkoa e Mazustegi en Bilbao.
Podemos dicer sen medo a equivocarnos que Mazustegi é un bairro galego de Bilbao. Desde alí, desde o miradoiro que está o pe da igrexa, pódese ollar a metrópole bilbaína i entender porque a capital de Bizkaia lle dan o nome de «Botxo». Mazustegi está afincado nas ladeiras dos montes Cobetas e Caramelo -que Gabriel Aresti inmortaliza nun poema segundo o cal quería queimar alí os seus tíduos académicos. Foi construído polos emigrantes galegos a partires dos anos cincuenta levantando as casas unifamiliares coa axuda dos veciños. Nun acto de solidariedade colectiva sen precedentes entre os nosos compatriotas os recen chegados eran axudados por outros emigrantes xa afincados a levantar polas noites as casas e cando chegaba a mañá xa facían vida nelas para que o Axuntamento non pudera botalos fora, despois íbana rematando e agrandando pouco a pouco segundo as posibilidades económicas de cada un.
Así foron xurdindo unha morea de construccións galegas con influencias bascas as veces e un ordeamento parecido ao das nosas aldeas, que se adaptan perfectamente ao terreo inclinado aproveitando ó máximo o chan a base de socalcos que foron construíndo.
No ano 1991 Asociación Cultural «Rosalía Castro» celebrou alí o Dia das Letras Galegas e levou a Uxio Novoneyra a dar este recital de poesía que tivo lugar o día 19 de maio, «Dia dos poetas mortos» como dicia Uxio, porque nese dia morreu María Mariño Carou. Despois do recital fixo unha ofrenda floral a placa colocada fachada da casa de Barakaldo onde viviu don Ramón Cabanillas en Barakaldo.

Category:

Nonprofits & Activism

Tags:

• Cultura
• Galega