Kajto = Rankvarteto [sen subtekstoj]

Rankvarteto - de Julio Baghy

Sub tegmento staris kuvo
dum somera densa pluvo,
sed tegmento baris pluvon,
pluvo falis apud kuvo,
ĉar el pluvo kuv' ne havis,
pro la soifo ranoj kvakis:
ĉar el pluvo kuv' ne havis,
pro la soifo ranoj kvakis:

Kvavak kvavak kvak kvak kvak
kvavak kvavak kvak kvak kvak
akva kuvo, akva kavo
kvak kvak kvak kvak kvak kvak
kvakas ni al Akvoavo
kvak kvak kvak kvak kvak kvak
kvar kvakantoj kvardekvoĉe
kvartet-vakas plenriproĉe
pro mankhav' de la kava kuvo
en la akvokuv' sen pluvo

Kvavak kvavak kvak kvak kvak
Kvavak kvavak kvak kvak kvak
kava kuvo vane vakas
kvak kvak kvak kvak kvak kvak
kvankam ni por pluvo kvakas
kvak kvak kvak kvak kvak kvak
kvodlibet' de ĥor' kvakanta
en la kuva kav' vakanta
kvakas kvere: Akvoavo,
akvon al la kuvokavo
kvavak kvavak kvak kvak kvak
kvavak kvavak kvak kvak kvak

Tio pruvas: se dum pluvo
staras sub tegment' la kuvo,
ranoj vane kvaki povas,
se je salto sin ne movas.
Do ne kvaku kiel ranoj,
karaj gesamideanoj.
Do ne kvaku kiel ranoj,
karaj gesamideanoj.
Kvavak kvavak kvak kvak kvak
Kvavak kvavak kvak kvak kvak

Category:

Music

Tags:

• esperanto
• Kajto
• sapo
• rã
• frog

[Andycxielarko]

Tiu estas poemo de Julio Baghy (se mi ne eraras) gxi aperas en la Esperanta Antologio

[JacintoYogui]

Jes, tiu estas poemo de Julio Baghy.

[algispijus]

Atentu! La tekstoj de la kanzonoj aperos post musklako sur la blua (more info) en la supra dekstra angulo: From: Jacinto Yagui

[algispijus]

Ha:)! La tekstoj de la kantoj facile legeblas -  nur musklaku en la dekstra supra angulo: From: Jacinto Yogui.. sur (more info)

[papilioj]

Bedaŭrinde ni ne povas legi la tekston de la kanzono !