المجموعة: قبة سيدنا الولي دول نوروها. محلا البيارق والناس بيزوروها . قبة سيدنا الولي في الجو عالية. محلا البيارق لما نوروها.
بائع: حمص حمص , تل ما ينقص , عالنار يرقص. يرقص يرقص ويقول . اللي شاف حمص ولا كلش . حب وإتلوع ولا ولا طالش.
فتاة: يسترك هات حبه بقرش.
المجموعة: هاهاهاهاهاهاهااا.!
بائع: حمص حمص .... إسعي إسعي ... خدلك صورة ستة في تسعة يا سي عجورة الناس خسعة
الله عجمية, الله ... الله... باللوز, الله ...طعمية الله.... اراجوز , الله ....
المجموعة: الليلة الكبيرة ياعمي والعالم كتيرة. ماليين الشوادر يابا م الريف والبنادر. دول فلاحين ودول صعايدة دول من القنال ودول رشايده الليلة الكبيرة ياعمي والعالم كتيرة.
العمدة: ياحضرة الاراجوز قول لي,
الاراجوز: نعم ياعمدة عاوز ايه .
العمدة: منين يروحوا لمتولي ؟
الاراجوز: امدح نبينا وصلي عليه .
العمدة: اللهم صلي عليه.
الاراجوز: تمشي كده على طول على طول لحد ماتلاقي عمارة
العمدة: لحد ما ألاقي عمارة
الاراجوز: تكسر يمين تلقى بتاع فول .. دكانته على ناصيه حارة.
العمدة: دكانته على ناصيه حارة.
الاراجوز: تدخل يمينك في شمالك.. شارعين وفي التالت تكسر..
العمدة: شارعين وفي التالت أكسر
الاراجوز: على اليمين واخد بالك... وتمشي على طول تتمخطر.
العمدة: وامشي على طول واتمخطر!,
الاراجوز:تفضل كذا تمشي وتدب .. وتخش من مطرح ما طلعت.
العمدة: وأخش من مطرح ما طلعت.
الاراجوز: ولما تلقى مقلة لب .
العمدة:ولما القى مقلة لب .
الاراجوز: تعرف بانك تهت وضعت !
العمدة: دي وصفه سهلة , دي وصفه هايلة .
المجموعة: مع السلامه , مع السلامة , مع السلامة يابوعمة مايله . مع السلامة يابوعمه مايله.
لاعب البخت: فتح عينك , تاكل ملبن . فينك فينك , تاكل ملبن. اوعى لجيبك .. لا العيب عيبك , قرب ... جرب ... نشن ... وسطن ايدك وسطن. إضرب.. البندقية: طاخ!
اللاعب: يحميك يابني تبقى غالبني. قرب خد لك حتة ملبن.
بائع: فريرة للعيل.. يابو العيال ميل. خد لك سبع فرارير.. زمارة.. شخليلة.. عصفورة ياحليلة.. طراطير ياواد طراطير!
الأراجوز من أول 8:00
kimoz85 8 months ago