Histórias de Galícia - No nome de Deus 1/3

A Igreja Católica foi um poder que tutelou a vida pública e privada na Galiza durante séculos. A criaçom do mito do sepulcro de Santiago o ano 813 serviu para que, arredor dele, nascera um templo e umha cidade que foi até a época moderna capital dum senhorio eclesiástico, hegemónico económica e politicamente.

No repasso histórico polo poder eclesiástico duas figuras ilustram o seu assentamento no vértice da pirâmide social, por um lado o arcebispo Gelmírez, "patriarca do Ocidente", que coroou a Afonso Raimúndez como rei da Galiza em 1100 na Catedral de Santiago, e por outro Alonso de Fonseca, que tivo três séculos mais tarde a arte política de se aliar com os Reis Católicos de Castela contra a nobreza galega.

Mas a figura de Santiago atraia tamém desde o Medievo a milhons de peregrinos, convertendo-se o Caminho na via dum fecundo intercâmbio comercial e cultural que integrou a Galiza na cultura europeia, ademais de trazer a arte românica. Assim, levantarom-se numerosos mosteiros, que forom centros de poder, de saber e de riqueza, ainda que logo a desamortizaçom de Mendizábal significou o abandono da maioria deles.

Category:

Education

Tags:

• Histórias
• Galícia
• História
• Galiza
• Documentário
• TVG
• Galegos
• Povo
• Galego
• Idade
• Média
• Caminho
• Santiago
• Compostela
• Galécia
• Cristã
• Cristianismo
• Priscilianismo
• Prisciliano
• Igreja
• Católica
• Arcebiso
• Gelmírez
• Afonso
• Raimúdez
• Rei
• Reino
• Alonso
• Fonseca
• Nobreza
• Galega
• Reis
• Católicos
• Séculos
• Escuros
• Maria
• Solinha
• Inquisiçom