Kape't Pandasal Feb 29 Leap Year Episode

Kape't Pandasal (feb 29) "Pagpapakabuti at pagmamahal ng extra"
Magandang umaga po. Ngayon ay ika-29 ng Pebrero, at ako po si Bro Ernald. Saluhan nyo po muna ako at tayo'y mag Kape't Pandasal. Ngayon po ay leap year, ang ibig sabihin nadagdagan ng isang extrang araw ang taon. Ngayong nadagdagan ng extrang araw ang taon natin, baka maaari din nating pagnilayan ang tungkol sa paggawa ng "extrang kabutihan" sa kapwa ngayong araw na ito.

Ano nga bang mga simpleng "extrang" paglilingkod ang pwedeng gawin ngayong araw na ito? Para sa mga anak, maaaring ipagluto ninyo ang inyong mga magulang ng masarap na ulam --'yung paborito nilang adobo o sinigang. Para sa mga magulang, baka pwede ninyong lambingin ang inyong mga anak sa pamamagitan ng pagtimpla ng mainit na tsokolate na pinatamis pa ng inyong banayad na haplos at ngiti. O di kaya'y maari din tayong tumulong kahit papaano sa ating mga katrabaho na nahihirapan sa kanilang tungkulin. Talaga ngang marami pang "extra" na pwedeng gawin ngayong araw na ito.

Sana ang paggawa ng "extra" sa kapwa ngayong araw na ito ay maging simula ng paggawa ng extrang kabutihan sa mga susunod pang araw. Wala pong nawawala sa atin kapag gumawa tayo ng extrang kabutihan sa kapwa, bagkus, mas lalo pa tayong nadadagdagan at napupuno ng pagmamahal ng Diyos. Kaya't sige na, kapamilya, simulan mo na ang paggawa ng extrang kabutihan ngayon. Magandang umaga po.

Category:

People & Blogs

Tags:

• Ernald
• Andal
• Jesuits
• SLB
• Simbahang
• Lingkod
• ng
• Bayan
• JesCom
• Leap
• Year
• Kape
• Pandasa
• Extra