Presidenti Topi pret Ambasadorin e parë të shtetit të pavarur të Kosovës, Gazmend Pula

September 14, 2009: Presidenti i Republikës, Prof. Dr. Bamir Topi priti Ambasadorin e Jashtëzakonshëm dhe Fuqiplotë së Kosovës në Tiranë, z. Gazmend Pulaj, i cili paraqiti Letrat-kredenciale duke u bërë kështu zyrtarisht ambasadori i parë i shtetit të ri të pavarur të Kosovës në Shqipëri.

Kreu i shtetit shqiptar, pasi u shpreh se ky është një moment shumë i rëndësishëm dhe emocionues, sepse përbën finalizmin zyrtar të një marrëdhënie që ne e kemi pritur me padurim, e uroi zotin Pula për suksese duke e siguruar njëkohësisht ambasadorin kosovar për mbështetjen e tij të plotë dhe të të gjithë institucioneve të shtetit përgjatë misionit të tij.

Zoti Pula theksoi se ndihet shumë i nderuar dhe i privilegjuar që po përjeton këtë çast historik duke përfaqësuar Kosovën si ambasador në Tiranë dhe nënvizoi se zhvillimi dhe fuqizimi i mëtejshëm i marrëdhënieve bilaterale dhe bashkëpunimit të shkëlqyer e vëllazëror mes dy vendeve do të jenë objektivat kryesore të punës së tij në Shqipëri.

Gjatë takimit u diskutua rreth situatës së re gjeopolitike në rajon, u shpreh interesi dhe vlerësimi reciprok për thellimin e marrëdhënieve shumë të mira e vëllazërore që ekzistojnë mes dy vendeve jo vetëm në fushën politike, por edhe në atë ekonomike, kulturore, etj., duke i kushtuar një vëmendje të veçantë procesit të njohjes së mëtejshme të pavarësisë së Kosovës në arenën ndërkombëtare nga sa më shumë shtete të tjera, numri i të cilëve sa vjen e rritet. Në këtë drejtim, Presidenti Topi theksoi se pas stabilizimit të situatës, konsolidimit të një shteti demokratik dhe multi-etnik në Kosovë me strukturë dhe fizionomi euro-atlantike, po dëshmohet përditë e më shumë se Shqipëria dhe Kosova janë dy shtete të projektuara qartë drejt integrimit të përbashkët evropian

Category:

News & Politics

Tags:

• Presidenti
• Bamir Topi
• Shqiperi
• Kosove
• Kosova
• Ambasada
• Ambasadori
• Gazmend Pula
• Pulaj
• Tirane
• Letrat Kredenciale
• Kredencialet

[Dukagjini0]

Kosova esht e Shqiperise!!!!