A folga convocada pola CIG no Consorcio foi todo un éxito

A folga afectou a case a totalidade a máis de 80 galescolas, 37 centros de día, 18 oficinas I B e os servizo centrais. Preto de 1.000 traballadoras e traballadores percorreron as rúas de Compostela na manifestación que rematou diante do Edificio da Xunta de Glalicia, en San Caetano.
Ao remate de concentración, Laura Estévez Caride, Presidenta do Comité de Empresa da Coruña e Anxo Louzao expresaron as reivindicacións que levaron á folga e amosaron o éxito desta a pesar de todos os atrancos que puxo a Consellería para imposibilitar exercer este dereito fundamental. Insistiron na necesidade de continuidade dos servizos do Consorcio e concretamente das oficinas de I B para o cal é fundamental evitar os despedimentos que están anunciados e dotar de presuposto a estas para o vindeiro ano. Tamén se volveu a esixir o cumprimento do convenio e a realización das oposicións que estaban en marcha. En resume as reivindicacións expresadas foron as seguintes:
Aplicación inmediata do Convenio Colectivo do Consorcio Galego de Servizos de Igualdade e Benestar, asinado entre o propio Consorcio e as organizacións sindicais que maioritariamente nos representan, e ratificado polos catro comités de empresa. Que se contemplen nos orzamentos da Xunta as partidas necesarias para poder facer efectivo o cumprimento de dito convenio, sobre todo nos apartados referidos á xornada e suba salarial.
Que se contemplen nos orzamentos da Xunta as partidas necesarias para poder manter os postos de traballo das Oficinas I B e servizo que prestan.
Que se celebren os procesos selectivos de persoal xa convocados e coas bases aprobadas e publicadas.
Que se resolvan todas as irregularidades que se están a dar na actualidade no que ten que ver coa xestión das listaxes, substitucións, cobertura das baixas, modalidades de contratos, falla de recursos materiais e humanos, despedimentos, oferta formativa insuficiente, etc.

Despois do seguimento maioritario á folga, por parte do persoal que podía exercer o seu dereito, a Consellaría de Traballo e Benestar debe rectificar e non levar a cabo o desmantelamento das oficinas I B. A CIG non pode aceptar baixo ningún concepto ningún paso atrás en materia de prestación sociais e do seu carácter público. Calquera recorte destes servizos e a súa privatización contará co noso máis absoluto rexeitamento.

Category:

People & Blogs

Tags:

• folga
• convocada
• pola
• CIG
• no
• Consorcio
• foi
• todo
• un
• éxito