السادات والقذافي مجلس الشعب 14 مارس 1976

خطاب الرئيس محمد أنور السادات في الجلسة الخاصة لمجلس الشعب 14 مارس 1976




منذ حرب ٧٣ انا كلفت وزير الخارجية انه يعمل تلخيص كامل للموقف السوفيتى ويتابعه ويعمل له تحليل ، علشان فى جلساتنا سواء فى مجلس الامن القومى اوفى الجلسات مع رؤساء المؤسسات بناقش مثل هذه الامور . . تبلورت الخطوط الرئيسية فى سياسة الاتحاد السوفيتى تجاه المنطقة العربية بعد
حرب ٧٣ كالاتى : ادت حرب ٧٣ وما تلاها من تطورات سواء فى علاقات مصر مع الاتحاد السوفيتى اوفى علاقاتها مع الولايات المتحدة ، وكذا فى تقلص الدور السوفيتى فيها من خطوات ، ادى ذلك الى عدة نتائج هامة فى سياسة الاتحاد السوفيتى نحوالمنطقة بشكل عام ، ثم نحومصر بصفة خاصة يمكن اجمالها فى التالى : اولا : العمل على خلق محاور فى العالم العربى ترتبط بيه ارتباط مباشر ، واظن كلنا شايفين بيعنينا المحاور اللى بيعملها الاتحاد السوفيتى ، وفى الخطاب الاخير جاى اهوه بتاع بريجنيف موضح وقايل وابتدا يقسم العالم العربى خلاف التقسيمة بتاع التصنيف بتاع الرجعى والتقدمى ، لا بتقسيمته بتاعته هوه ، لان معمر القذافى قال عليه : الملحد الكافر ، الاستعمار الجديد ، طيب دلوقت علاقته مع معمر القذافى سمن على عسل ، طيب ياهل ترى معمر هواللى قلب ولا الاتحاد السوفيتى هواللى آمن؟ ما اعرفش يعنى الحقيقة عملية ، بيعمل الاتحاد السوفيتى على خلق محاور فى العالم العربى ، اعادة تقييم السوفيت لسيادتهم تجاه الدول النامية ، وحركات التحرر الوطنى ، والخلاص الى نتيجة مؤداها العمل على ربط تلك الدول وهذه التحركات به ربطا لا يقوم فى حقيقته على الثورية والمشاركة فى النضال ضد الامبريالية ، وانما على اساس المصالح السوفيتية باعتباره دولة عظمى ، كان بيقول لنا الامبريالية والاستعمار ، طيب برضه اللغز بتاع معمر محيرنى ، يعنى معمر بيقول عليهم هما (الامبريالية والاستعمار الجديد) ومزود عليها( الكفر والالحاد ) الله ، يعنى طب ايه العلاقة الجديدة اللى حصلت ؟ المسألة مسألة مصالح سوفيتية ، لان بيدفع معمر بالكبّش ،وعنده السائل ، المال السائل .. بدأوا فى منطقتنا يعارضوا اسلوب التوجه نحوالسلام الذى تم حتى الآن انما بشكل غريب .

طيب انا عايز اقول شوية حقائق كده علشان التاريخ ، ونشوف اذا كانت مشوهة يقولوا لنا .. بعد الحرب بدجورنى زارنا وطلبنا منه قائد دفاع جوى سوفيتى ، وقبل الصبح ، ولغى بعد الظهر ، ادى حقيقة .. ، فى حرب الاستنزاف كل طلقة استخدمناها ما استعوضنهاش لغاية ما بعتولى فى الكوبرى الجوى ، وطبعا ما قدروش يجيبولى كل اللى انا عايزه .. . ادى حقيقة من الحقائق ... في ٧١ اول زيارة لى رحت لهم ١ و٢ مارس وقلت لهم سلاح الردع قاموا قالوا لى مستعدين نبعتولك بس يستخدم بأوامر من موسكو.. قمت قلت لهم آسف ولا اسمح على ارض مصر بقرار غير قرارى وقرار الشعب المصرى .

Category:

News & Politics

Tags:

• السادات،
• القذافي،
• مصر،
• مجلس
• الشعب

[mmaayed]

لا اسمح على ارض مصر بقرار غير قراري وقرار الشعب المصري

عشان كده اتقتلت

عشان اللي له مصالح مع اللي برا يقدر ينفذها

الذ حاجه في التاريخ انه مافهوش اي حاجه بتستخبى :)

الله يرحمك يا سادات راجل من ظهر راجل

[LeGend19OO]

الله يرحمك

لكن اكبر غلط معاهدة كامب ديفيد وإدارة ظهرك للاتحاد السوفيتي اللي ساعد مصر في حروبها

ولكن نقول الانسان يخطئ وليس نبي معصوم

[abubakrr11]

لا معمر ما قلبش الاتحاد السوفيتي هو اللي آمن هههه

[tareq3999]

ماعاد يجي رئيس على الوطن العربي متل أنو السادات

[momen87]

بحبك يا سادات

[ismaaelN]

قذر يا حبيب اسرائيل

[7aile1]

لله درك من زعيم عربي ..

اعشق هذا الرجل البطل