Canto de Reis de Santaia de Moar (Obradoiros de Cantos de Reis da Coruña)

"Canto de Reis de Santaia de Moar" interpretado polos Obradoiros de Cantos de Reis do Concello da Coruña (Fórum Folk, luns 22 de decembro de 2008).

Canto de Reis de Santaia de Moar

San Xosé e mais María
eles ían para Belén
ían cantando nos reis
cantémolos nós tamén.

Ían de vila en vila
e de lugar en lugar,
en busca de Xesús Cristo
non o puideron topar.

Foron dar con el a Roma,
revestido no altar
misa nova vai dicir,
misa nova vai cantar.

Aquela pombiña branca
que está enriba no altar,
ela é Nosa Señora
ela vénnos visitar.

San Xosé bota as redes
por riba de San Bernaldo
toma nena este paniño
mándanos o aguinaldo.

Aquí hai mociñas
que gastan peineta,
que nos han de dar
a media peseta.

Aquí hai mociñas
que gastan refaixo,
que nos han de dar
o que traen por baixo.

Aquí hai mociñas
que gastan salero,
que nos han de dar
o viño no xerro.

Category:

Music

Tags:

• Canto
• de
• Reis
• Coruña
• Fórum
• Folk