Pyhare Amanguype - Quemil Yambay

La mejor versión de este poema de Emiliano R. Fernández....

PYHARE AMANGUÝPE

Amenázorö pyhare
Che rancho guýpe aguapy
Ajapysaka mombyry
Ahendu heta mba´e
Pytü ha overamante
Ha hayvi tyky tyky
Arasunu yvyguy
Poniéntepe ahendu
Ho´ama ave yvytu
Hyapupa karanda´yty.

De tanto pe akyhyje
Tuichama ajatapy
Jepe´ama ko ambyaty
Ara vai pukukue
Ahendúma aguïete
Jaguarete orroncá
Ka´aguy omboryrýpa
Orrepuntá topehyi
Umí guasu oñemondýi
Javoraire odispará.

Guahotype apete
Oikoma la ngururu
Iñanguekoi kuriju
Vaka ra´ype omyasë
Ha barrerope kure
Péina iñangu´apu
Umíva ta´ytetu
Osëva tujuypaguépe
Ha amo maciega yvatépe
Hasë aguara guasu.

Bandada tajykatï
Osegui pe carretera
Taky taky pe haïkuéra
Ñahendu omoñuvaitï
Teta kuere ohu´ãi
Piritýpe ojahu
Ombo chochoka tuju
Hendupyrã ko oï
Ju´i kururu chini
Ykuakuépe ijayvu.

Osapukáima león
Mala nochepe oguata
Tuky tuky che py´a
Che aimo´ã mala visión
Osegui pe cañadón
Manada pe ovichea
Icarnada oheka
Amo rodeo jerére
Ha osahávo ñu mbytépe
Ombovuja mburika.

Vecino pe ahendu
Umi jagua ogua´i
Omonuñávo aguara´i
Ogueraha ryguasu
Ka´aguýre osununu

Oñemondýi mborevi
Yvyra mata ojapi
Apa´a ojapyhara
Yvate mbojupipa
Onza, jaguarete´i.

Riachope jakare
Péina ocachiporrea
Huguáipe ochikotea
Omomorã pyhare
Jaguarundi, lobope
Upérupi oñomuña
Akuti ave orretoza
Coral oñombojaru
Pépe avei ahendu
Ijojoi kapi´yva.

Pícadare mombyry
Carrero osapukái
Takuruty ndohasái
Aña mante oguerojy
Hi´uru kuera ipochy
Cuarta nda ipu´akái
Tape ipo´i ndovavái
Tronkore ojejoso
Guey poriahu ojeja´o
Carrero locro mbohái.

Hi´aguïvo ko´ëmba
Pe amo cerro pe ayvu
Serenátape ahendu
Opurahéi karaya
Ha ka´i mirikina
Oasegunda ichupe
Omiáu aguara pope
Ho´y ji umi kuati
Chusatýre opirirï
Ko´ëmba porãvove

Letra: Emiliano R. Fernández (Pto. Pinasco/Laguna Vera, 1925)
Música: Félix Pérez Cardozo.

Category:

Music

Tags:

• Emiliano R. Fernandez
• Polka
• Quemil Yambay
• Paraguay

[Paraguayajuky]

mmmm que buena cancion ahora voy a publicar al facebook, gracias Carlos..

[carloscastells87]

@Paraguayajuky es una de las polcas de emiliano que mas me gustan, él si que sabia describir este tipo de momentos realmente únicos, como la noche de lluvia o el amanecer en el campo (en koeti jave)...

[chamamesdeoro]

como me gusta esta polka , que grandes , un saludo desde buenos aires argentina