الشيخ امام - حفل أصدقاء -1988
الفاجومى وبلح ابريم ......... زكى مراد
قال عنه الفاجومى :-
*إننى افتخر كل الفخر بصداقته الطويله وقال إن من يذكر ذكى مراد فذكراه تفوح بالعنبر والمسك الأزفر وعندما كانت سماء مصر ملبده بالغيوم .... وصفرة الرمال حول سجن الواحات كنت انا وزكى مراد ورفاقنا فى صحن المعتقل عرفت من هو زكى مراد لإنه كان اصدق الناس حباً للحياه وعبر عنها ووفى لها وكان اقلهم حظاً منها ولذلك لكم اروع ما كتبته لهذا المناضل
(( يا بلح أبريم00ياسماره ))
يا بلح ابريم يا سماره
سواك الهوى فى العالى هويت
على طمى النيل يا سماره
وشربت عكار لما إستكفيت
بس احلويت قوى يا سماره
لما اسمريت قوى يا سماره
لفيت الشارع والحاره
على ذى نقاوتك فين ما لقيت
يا حلاوة بنار الشمس النور
ويا سمار وعمار الصحرا البور
شباك الهوى داير ما يدور حواليك
اتاريك دبت وطبيت
بس اغلويت قوى يا سماره
لما اتدليت قوى يا سماره
ونزلت الشارع والحاره
سوقك لا رخصت ولا اتزليت
يا بلح ابريم يا سماره
حصنتك بعقدك صدر الناس
من شر النخاس الخناس
يا ابو قلب لا سوسه ولا وسواس
ورقيتك يا اسمر واسترقيت
الضم حبابيك قوى يا سماره
وافتح شبابيك لقا يا سماره
على جو الشارع والحاره
تغلوا زيادة وتملى البيت
يا بلح ابريم يا سماره
********************************
فبلح ابريم من اجود انواع البلح فى النوبه وفى موسم البلح تقام الأفراح والليالى الملاح والكل فى النوبه ينوبه نصيب من الخير وتعيش النوبه فى موسم البلح فى رخاء ونماء
من هو ذكى مراد :-
• كان محامياً واديباً وشاعراً وكاتباً .
• كتب عن الثوره فى السودان .
• كتب عن ثوره يوليو فى مصر .
• له ديوان شعر ( قصائد مصريه ).
• اشترك مع رفاقه محمد خليل قاسم وعبدالدايم طه فى كتابه شعر ديوان ( البلشون ) .
• كتب عن الوحده مع تشيكوسلوفاكيا .
• ترجم بعض الكتب الأجنبيه .
• له مقالات واعمال ادبيه وسياسيه فى كل الصحف المصريه والمجلات .
• من مؤسسى حزب اليسار وحزب التجمع ومؤسسى حزب الإشتراكى المصرى .
واخيراً :- توفى فى عام 1979 بعد رحله مليئه بالكفاح والنضال .
ياجميل يارائع ياشيخ إمام
شكرا أخى على الفيديو
egydoc461 1 year ago 2
@egydoc461 شكرا اخى و اهلا بيك
akhnaton57 1 year ago
الله يرحمك ياشيخ والله يكرمك اخ اخناتون مصر كلها خير والله
khmenissy 1 year ago 3
اشكرك يا اخى و اهلا بيك
akhnaton57 1 year ago